Jeannette Kagame agiye kwiyamamariza kuba perezida w’u Rwanda muri 2017 !

Aha Jeannette Kagame yari yakoze akazi ka minisitiri w’ububanyi n’amahanga.

Amakuru agera ku Umuvugizi yemeza ko madame Jeannette Kagame arimo yitegura kwiyamamariza kuba perezida w’u Rwanda mu matora azaba muri 2017, ibi bikaba byarabaye nyuma y’aho inzego z’ubutasi zigiriye inama perezida Kagame kudahindura Itegekonshinga ry’u Rwanda, kugirango azongera kwiyamamariza umwanya w’umukuru w’igihugu, ahubwo zimugira inama yo kwimika umugore we kuri uwo mwanya.

Uwahabwaga amahirwe n’izo nzego z’ubutasi yari ministiri Musoni James, umwe mu banyembaraga wagiye wamamara cyane kubera ubujura butandukanye yagiye afashamo perezida Kagame, haba mu gusahura umutungo w’igihugu no gusenya ibikomerezwa byo muri FPR, ari byo “RPF Cadres”, mu magambo y’icyongereza, ariko basanga nta cyizere perezida Kagame yari kumugirira cy’uko atamuhirika, bityo bemeza ko Jeannette Kagame ari we uzasimbura perezida Kagame kuri iyo ntebe mu mwaka wa 2017. Muri kiriya gihe, Gen Jack Nziza akaba ari we uzaba uyoboye igisirikare cy’u Rwanda, naho Perezida Kagame akazaba umuyobozi w’ishyaka rya FPR.

Nguyu Jeannette Kagame mu gikorwa cyo gusura umusaruro uva mu mabuye y’agaciro avana mu cyuya n’amaraso y’abana b’u Rwanda muri Congo, aho yabyajemo izindi nganda ze!

Iperereza ryacu ryemeza ko Jeannette Kagame, nyuma yo guhabwa amahirwe yo kuzasimbura umugabo we, yagiye yamamazwa hirya no hino mw’itangazamakuru rya Leta ya Kagame, haba muri «The NewTimes.co.rw», cyangwa igihe.com. Ibi akaba yarabikorerwaga kubera ko ari we wahawe amahirwe yo guserukira umugabo we mu bikorwa by’igihugu bitandukanye.

 

 

 

 

 

 

 

 

 

 

Aha Jeannette Kagame yari mu mihango y’isozwa ry’inkiko Gacaca.

 

 

 

 

 

 

 

 

 

 

 

 

Hano Jeannette Kagame arimo arabeshya ko yagiye kuvugira abanyarwandakazi mu gihe Victoire Ingabire agiye gusazira mu gihome cyo muri gereza nkuru ya 1930

 

 

 

 

 

 

 

 

 

 

 

 

 

 

 

 

 

 

Kimenyi J, Kigali.

Source: Umuvugizi