IBURA RYA SGT NSABAGASANI RIKOMEJE KUBA AMAYOBERA

IBURA RYA SGT NSABAGASANI RIKOMEJE KUBA AMAYOBERA nsabagasani310311

Sgt Nsabagasani

Amakuru agera ku kinyamakuru inyabutatu.com kandi yizewe aremeza ko umuhanuzi Sgt Nsabagasani Dominique yashimuswe na maneko za perezida Paul Kagame zikorera I Kampala k’umugoroba wo kw’itariki 30/06/2012, kugeza magingo aya akaba ataraboneka.

Amakuru akomeza avuga ko ngo mu gitondo cyo kuwagatandatu tariki 30/06/2012 nibwo Pasteur Maso Rwizihiza John uyobora urusengero rwitwa « ISOKO IBOHORA » ruherereye aho bita mu Gisenyi ho muri Rubaga Division mu mujyi wa Kampala, yaterephonnye Umuhanuzi Sgt Nsabagasani Dominique amubwira ko amusanga ku rusengero ko kandi hari abantu bashaka kumuha amafaranga yo kumufasha.

Sgt Nsabagasani Dominique amusubiza ko ngo afite akazi kenshi ashobora kutaboneka cyangwa akaboneka atinze, Pasteur Maso Rwizihiza John akomeza amuhata ko agomba kureka ibyo akora agahita amusanga ku rusengero ndetse abwira Sgt Nsabagasani Dominique ko afite ubukwe ku rusengero, ngo kandi abenda kumufasha ni abitabiriye ubukwe bemereye Pasteur Maso ko bashaka gufasha Umuhanuzi Sgt Nsabagasani Dominique.

Mu masaa cyenda ya ni mugoroba yo kw’italiki 30/06/2012 nibwo Sgt Nsabagasani Dominique yabwiye Umugore we n’inshuti ze eshatu ko agiye ku rusengero rwa Pasteur Maso Rwizihiza John ngo aramuhamagaye kugirango amutere inkunga. Bigeze mu ma saa kumi n’ebyiri za nimugoroba nibwo inshuti za Sgt Nsabagasani Dominique yari yabwiye ko agiye kwa Pasteur Maso Rwizihiza John zamuterephonnye kugirango zimubaze uko urugendo rwagenze, zisanga telephone ye itariho.

Bukeye mu gitondo cyo ku italiki ya 01/07/2012 nibwo Umugore wa Sgt Nsabagasani Dominique yabwiye inshuti z’umugabo we ko ataraye agarutse mu rugo. Amakuru akomeza avuga ko inshuti za Sgt Nsabagasani zahise zijyana n’umugore we ku Rusengero rwa Pasteur Maso Rwizihiza John kubaza niba yarabonanye na Sgt Nsabagasani Dominique, icyabatangaje ni ukuntu Pasteur Maso Rwizihiza John yababwiye ko atigeze aterephona Sgt Nsabagasani ku italiki ya 30/06/2012, ko ngo atigeze anabonana nawe. Uyu Pasteur Maso akaba yaragaragayeho igihunga cyinshi n’ubwoba bwinshi igihe yasubizaga ibibazo yabazwaga kuri Sgt Nsabagasani Dominique.

Inshuti za Sgt Nsabagasani Dominique hamwe n’umugore we bahise batanga ikirego kuri police station yaho bita Old Kampala, babaha aba police babiri bo kujya gufata Pasteur Maso Rwizihiza John kugirango aze yisobanure. Baterephonnye ku rusengero kugira ngo bamenye ko ariho akiri, bababwiye ko Pasteur Maso yahise asezera ku ntama ze bakimara kuhava. Byatumye abapolice bajya gushakira Pasteur Maso Rwizihiza John iwe mu rugo aho bita Makindye ho muri Kampala.

Bageze kwa Pasteur Maso mu rugo basanga naho adahari, kandi yakuyeho amatelefone ye yose. Inshuti za Sgt Nsabagasani zari kumwe n’abapolice zabajije umuhungu n’umugore wa Pasteur Maso niba Sgt Nsabagasani Dominique yarabonanye na Pasteur Maso Rwizihiza John taliki 30/06/2012, basubiza ko Sgt Nsabagasani yabonanye na Pasteur Maso Rwizihiza ku mugoroba wo ku wa gatandatu taliki 30/06/2012, ngo ni Pasteur wari wamutumyeho.

Inshuti za Sgt Nsabagasani zahise zisaba umugore we indi telephone Pasteur Maso yaba arimo gukoresha kuko izindi yari yamaze kuzikuraho, ahita abaha indi telephone yo bashoboye kumubonaho, bamubwiye ko bifuza kubonana nawe , Pasteur Maso Rwizihiza John yahise abasubiza ko yagiye mu rugendo rwa kure ataribuboneke, ngo nagaruka azabahamagara. Amakuru akomeza avuga ko ngo umugore we n’umuhungu we baguye mu kantu bumvise ko Pasteur Maso yagiye mu ruzinduko atababwiye nta n’imyenda yo kwambara yagiye ajyanye.

Amakuru avuga ko ngo inshuti za Sgt Nsabagasani Dominique zabanje kujya mu bitaro bikuru byitwa Murago Hospital kugirango barebe ko wenda yaba yaguye ku mpanuka, bageze mu cyumba cyakira abaguye ku mpanuka basanga Sgt Nsabagasani Dominique atahabarizwa, bajya no kureba aho bashyira imirambo ngo barebe ko yaba yishwe, basanga mu mirambo 8 ihari ntawa Sgt Nsabagasani Dominique uhari.

Tubibutse ko perezida Paul Kagame akomeje kwongera ba maneko benshi mu gihugu cya Uganda no mu bindi bihugu mu rwego rwo gukomeza guhitana abatavugarumwe nawe bamuhunze.

Nyuma yaho ba maneko ba perezida Paul Kagame biciye umunyamakuru w’ikinyamakuru www.inyenyerinews.org witwaga Charles Ingabire barasiye i Kmpala muri Uganda, noneho bakurikijeho umuhanuzi Sgt Nsabagasani Dominique waburiwe irengero, uyu Sgt Nsabagasani ari mu bantu bahigwaga cyane na leta ya Perezida Paul Kagame, mubyo yaziraga hakaba harimo ubuhanuzi we ubwe yahanuriye perezida w’u Rwanda Paul Kagame, bwamubwiraga uko ingoma ye igiye guhirima, n’ukuntu azicwa n’inshuti ye yizera cyane.

Yanamuhanuriye ukuntu nyuma y’ihirima ry’ingoma ye Umwami w’u Rwanda Kigeli V Ndahindurwa azataha. Bimwe mu byababaje Perezida Paul Kagame ngo ni uko ubuhanuzi bwa Sgt Nsabagasani Dominique bwatangarijwe isi yose hakoreshejwe itangazamakuru cyane cyane iryo kuri internet.

http://inyabutatu.com/index.php?option=com_k2&view=item&id=225:perezida-paul-kagame-yahitanye-umuhanuzi-sgt-nsabagasani-dominique-wamuhungiye-i-kampala-muri-uganda

Source:Kayiranga Anserme, www.inyabutatu.com

 


11 commentaires

  1. REEMVAS dit :

    Mubihorere utarakubitirwa mu Kiliziya agira ngo bikira Mariya ni umunyempuhwe.Imana niza!Ahhhhaaaaaaaaaaah!!!!!!!!!!!

  2. alexis dit :

    Birabababaje cyane kandi cyane kubantu bakirangwa namacyacubiri akoresheje iyi mvugo <> ikindi kandi ntimunatinya guharabika abakozi Imana ngo<> Reka nkubwi rerero ntabwo ariterabwoba nimukomeza gutuka Abakozi basizwe n’Imana muza kubitwa inkoni mutazakira kandi mutazi iyo itutse sabo gukinishwa.

  3. ntwari dit :

    nuku pastor maso ndamuzi neza kandi tumaranye umwaka ni maneko wukuri kandi ibyo mbabwira sugupapira maso yangize inshutiye magara asaba kuzamusura nkomeza kumujijisha so ntagitangaza kuba yaragambaniye nsabagasani ntasiba muri ambasade ese abagiye gukorayo iki? njye navuganye na anna ndamubaza waba uziranye namugambage arampakanira ndongera ndamubaza ese yaramutumiye mu bukwe bwawe arampakanira ambwirako ashobora kuba yaratumiwe namaso mwakabyaramwe gen. ajya kuvumba mubukwe nubwo tumuziho ko ari umusiziyabuze ayanywera ajya kuvumba oya yararimo kuneka rero banyarwanda mwifitiye ibibazo byo kutumvikana na leta yikigali mube maso maso arabamarisha pee kandi ubwira ijiji amara ibinoko rero ntimube ijiji. ndumwe muba bakiristo basengera mwisoko ibohora

  4. rwema dit :

    Ibyo niba ariko biri ubwo KAGAME Paul arimo kw’igaragaza nabi kuko niba ari IMANA ya muhaye gutegeka nareke manda ye irangire nibura tuzongera tumutore ariko areke kugendera ku mico mibi.

  5. Maya dit :

    Ibyo ni ibiki muba mutaho igihe.

  6. Rukataza dit :

    Shitani yerekana imbaraga zidasanzwe kuri iyi si iyo ibonye umuntu ikoreramo nka Kagame (Alias illuminato).
    Nyamara ariko abemera bakanakurikiza inama za Yezu Kristu bazayitsinda nk’uko Yezu yayitsinze.
    Abemera Kristu twizeye ko ibyo gutsindwa kwa Kagame alias illuminato bigiye kwigaragaza vuba aha.
    Abashimuse uriya musore ( batumwe na Kagame) bamaze kubona ko ibyo yahanuye bitangiye kwigaragaza. Hari uwari uzi ko u Rwanda ruzasubira muri Congo mu ntambara ku mugaragaro? None se wari uzi ko bazigarurira na Kivu nk’uko bigaruriye Bunagana ariko nyuma bikaba umwaku? Hanyuma se se wari uzi ko wa mubingwa uzica Kagame ubu urutoki rwe rwa marere ruri ku mbarutso? Hanyuma se wari uzi ko intambara irimo gutegurwa izaturuka impande zose z’u Rwanda ubu igeze kure? Bayi bayi Kagame n’agatsiko kawe.

  7. Ma dit :

    Itohoza ryakozwe n’ Ikinyamakuru Umuvugizi rigaragaza ko ishimutwa rya SGT Nsabagasani Dominiko wari umaze igihe ahanurira Perezida Paul Kagame ko ingoma ye y’igitugu igiye kuvaho , ryakozwe na Lt.Col. Burabyo James afatanyije na Ambassade y’u Rwanda muri uganda ,uwo Lt Col Burabyo akaba ariwe uyoboye ibikorwa bya gisirikare muri Ambassade y’u Rwanda muri Uganda.

    Col. Burabyo James akaba ari cyo gikorwa cyambere kigayitse akoze kuva yagera i Kampala dore ko azwi kuri iyo ngeso y’ubwicanyi no gushimuta abantu, kandi akiri mu Rwanda akaba ari we bakoreshaga koreka imbaga y’inzira karengane afatanyije na Lt. Col. Karangwa John .

    Amakuru atugeraho na none akaba yemeza ko icyo gikorwa kigayitse cyo ugushimuta Nsabagasani, Ambassade y’u Rwanda muri Uganda yakigezeho ari uko ikoresheje umupasteur witwa Rwizihirwa John Maso uyoboye Itorero”Isoko Ibohoye”, wamaze gusezeranya ubukwe bwa Anna ukora mu biro bya Perezida wa Uganda ku itariki ya 30/06/2012, bwarimo Gen. Mugambage Frank n’abakozi ba Ambassade, aho kujya aho bari bwakirirwe, uwo mupasiteri Maso agafatanya n’ibisumizi bya Kagame biri muri Ambassade abijyana iwe, ari nabwo yahamagara Nsabagasani ngo aze amuhe amafaranga bahita bamufata baramunyereza.

    Umugore wa Sgt Nsabagasani aho yari ari kuri Polisi ya Uganda ikorera Old Kampala uyu munsi, yariraga cyane ari nabwo yatangarije abari aho ko inzego za Kagame ari zo zashimutse umugabo we .

    Umuvugizi wavuganye na Ambasaderi w’u Rwanda muri Uganda , Gen Mugambage kuri telefoni ye igendanwa, mbere yuko dutangira no kumubaza ikibazo twamubazaga , tutaranavuga amazina y’umuntu washimutswe, cyangwa ngo tumubwire icyo tumuhamagariye, adutangariza muri aya magambo “Gasasira numvishe warabaye undi muntu , nta bucuti dufitanye genda ushakishirize uwo Nsabagasani Dominique ahandi cyangwa ukore icyo ushaka “ .

    Umuvugizi ukaba uzakomeza kubagezaho iby’ishumutwa ry’uwo muhanuzi Sgt Nsabagasani Dominique mu minsi itaha .

  8. GISHABAGA dit :

    Genda sha! Ejo muzabona Nsabagasani mu ngabo nshya za M23! Ni kuriya SIYASA y’UBUTASI bikorwa! Ariko niba yari no mu butasi yarabavomye kabisa!!!!

  9. Impagazi dit :

    Ariko kuki abantu mwese muhunga GACIRO mwipanga muri Uganda? Mwarangiza mukajya mu biriziya, za internet, mu tubari…? Kuki mudafata AKAMBA-BUS ngo musimbukire Nairobi (Mwigire ahitwa KIBIRA-VILLAGE) cyangwa se ngo mwambuke TZ? Ibi mukora babyita guhungira ubwayi mu kigunda, cyangwa guhungira Mayor wa Kicukiro i Rwamagana.

  10. BEBETO dit :

    Pasteur Maso Rwizihiza John uyobora urusengero rwitwa « ISOKO IBOHORA » ruherereye aho bita mu Gisenyi ho muri Rubaga ubundi yiyita umunyarwanda ariko abamuzi neza ni umunyamurenge ukorana cyane n’inzego z’ubutasi kuko na Charles wayoboraga inyenyeri niwe wamugambaniye! Usanga hahurira abanyarwanda benshi ariko hakaba higanjemo abatutsi bo mu Rwanda, abarundi n’abanyamurenge. Kuko ariho hakunze guhurira abo bose rero maneko ziba zaturutse kuri ambassade nazo ziza zije muri choral no gusenga ku cyumweru kwakundi bakira abashyitsi ubwo bakaba bakubonye iteraniro ryarangiza bakakugenza ubundi bagutamika Pasteur nawe akakwitaho kurusha abasanzwe bahasengera igihe cyagera akagutanga, ngibyo ibyo ba GITWAZA banakorera i Kigali nahandi bafite insengero. Nkaba ntarangiza ntasabye abanyarwanda baba hanze(Uganda) ngo birinde utubari (ONATRACOM, JAGUAR, NEW BAKURI-KAYIRANGA, NAKURABYE) insengero zisengeramo abanyarwanda kuko zihatse byinshi bitari byiza! Mwabuze ahandi munywera, mwabuze ahandi musengera? gapfa kaburiwe n’impongo

  11. Uyu muhanuzi ntabure dit :

    umugorewe yakwiye kwandikira ONU IGIHIGA KAGAME KU BYA CONGO.

Répondre

archivesallahalwatanalmalik |
pk2012legislatives |
rectificador |
Unblog.fr | Créer un blog | Annuaire | Signaler un abus | thevoiceofpresidentielles
| legislative2012
| cournonpartisocialiste