PS Imberakuri: ITANGAZO RIGENEWE ABANYAMAKURU N° 13/P.S.IMB/012.

Eric Nshimyumuremyi

Kuri uyu wa 28 Kamena 2012 nibwo umuyobozi w’ishyaka PS Imberakuri mu karere ka Kicukiro bwana NSHIMYUMUREMYI Eric yari imbere y’umucamanza ategereje icyemezo kimufatirwa,ariko mu gihe cya saa cyenda n’igice (15h30) umucamanza yafashe icyemezo cyo kuzongera kuburanisha urwo urubanza kuwa 16/07/2012.

Ubushinjacyaha bumukurikiranyeho ibyaha birimo:Kurwanya abarinzi b’amahoro,kwitwaza intwaro atabifitiye uburenganzira ndetse no gushaka kwica umutoni wa FPR Mme MUKABUNANI Christine mu kuyobya abanyamahanga doreko nta munyarwanda utakizi ibikorwa bye.

Impamvu nyamukuru yo kudasoma icyemezo cy’uru rubanza ngo nuko hazagenderwa ku itegeko rishya rihana ibyaha mu Rwanda,umucamanza akaba yasobanuye ko yaburanye iryo tegeko rishya ritarasohoka.

Twabibutsa ko NSHIMYUMUREMYI yarashwe avuye kumva urubanza rw’umukuru wa FDU Inkingi Mme INGABIRE UMUHOZA Victoire,abamurashe batumwe na supertendent MUGENGANA Fidele ushinzwe kurwanya iterabwoba muri polisi y’u Rwanda,ubu akaba afungiye muri gereza nkuru ya Kigali akaba kandi kugeza ubu atari yemerwa kuvurwa.

Igiteye inkenke kugeza ubu n’uburyo asigaye arwara indwara y’umutima akaba yarahawe urupapuro na mugaga rumwemerera kujya kwivuza indwara yiyongera ku isasu rikimurimo ariko kugeza magingo aya nta burenganzira arahabwa n’ubuyobozi bwa gereza.

Ishyaka ry’Imberakuri rikomeje kunenga imikorere y’ubutabera bw’uRwanda kuko bimaze kugaragara ko nta butabera abatavuga rumwe nabwo bashobora kubona mugihe hakomeje kugaragara ibikorwa nk’ibyavuzwe haruguru ndetse nibyagiye bigaragara mu manza zitandukanye z’abatavuga rumwe na leta.Riboneyeho kandi kongera gusaba ubuyobozi bw’amagereza kwikubita agashyi maze bukemerako bwana NSHIMYUMUREMYI yivuza kimwe n’izindi mfungwa zibuzwa ubwo burenganzira.

Ishyaka ry’Imberakuri riharanira imibereho myiza kandi rikomeje gusaba leta iyobowe na FPR Inkotanyi kurekura bwana Eric NSHIMYUMUREMYI kuko ibyaha akurikiranyweho byose bishingiye kuri politiki kandi akaba biri no muri wa mugambi wo kutihanganira na rimwe abatavuaga rumwe n’ubutegetsi FPR ibereye ku isonga.

Bikorewe I Kigali kuwa 28/06/2012

UWIZEYE KANSIIME Immaculee
Umunyamabanga mukuru w’ishyaka.

Leta y’u Rwanda irarega Leta ya Congo gutegura ibitero ku Rwanda.

Yolande Makolo

Abategetsi b’u Rwanda bareze kuri uyu wa kane tariki ya 28 Kamena 2012 igihugu cya Congo gusubukura imikoranire hagati y’ingabo za Congo (FARDC) n’inyeshyamba za FDLR mu rwego rwo kugaba ibitero ku Rwanda.

U Rwanda narwo ubwarwo rwari rwarezwe, cyane cyane n’impuguke z’umuryango w’abibumbye, gufasha inyeshyamba za M23.

Ushinzwe itangazamakuru mu biro bya Perezida Kagame, Madame Yolande Makolo yatangarije biro ntaramakuru by’abafaransa AFP ko Perezida Joseph Kabila wa Congo akoresheje umujyanama we mu by’umutekano Pierre Numbi, yahaye ubutumwa Julien Paluku Kahongya, Guverineri w’intara ya Kivu y’amajyaruguru, bwo gushaka abantu bamwe na bamwe baba bafite imigenderanire na FDLR kugira ngo bashobore kuvugana n’umuyobozi mukuru w’ingabo za FDLR bityo bashobore kumwumvisha ko hashobora gusubukurwa imikoranire hagati y’ingabo za Congo (FARDC) na FDLR.

Nk’uko Madame Yolande Makolo akomeza abivuga ngo ni muri urwo rwego abayobozi ba politiki 2 ba FDLR, bakoresha inyandiko z’inzira (passeport) z’igihugu cy’u Bubiligi ubu bari i Rutchuru, muri Kivu y’amajyaruguru. Kugira ngo babonane n’ubuyobozi bukuru bw’ingabo za FDLR ngo babusabe gusubukura imikoranire n’ingabo za Congo (FARDC). Kandi ngo abo bayobozi ba politiki 2 ba FDLR ngo bahaye umwe mu bakuru b’ingabo za FDLR amadorali y’Amerika agera ku bihumbi 100 (100.000 $).

Ibi bivugwa n’ushinzwe itangazamakuru mu biro bya Perezida Kagame, byaba ari byo cyangwa atari byo biragaragaza ko u Rwanda nyuma yo gutungwa agatoki na Congo ndetse na ONU mu gufasha M23, Leta y’u Rwanda nayo irimo irashakisha nayo ibirego yarega Leta ya Congo bityo ibyo u Rwanda ruregwa bigabanuke umurego amahanga agerageze kumvikanisha ibihugu byombi amakosa adashyizwe ku Rwanda rwonyine.

Ikindi kibazwa n’uko gushaka kugaragaza ubufatanye bwa Leta ya Congo na FDLR bishobora kuba ari uburyo bwo gushaka urwitwazo rw’uko ingabo z’u Rwanda zajya ku butaka bwa Congo ku mugaragaro mu rwego rwo guhiga FDLR.

Tubitege amaso.

Marc Matabaro
Rwiza News

Rwanda-Congo: Gen Kabarebe na Lt. Gen. Kayonga bagiye muri Congo mu biganiro

Inkuru dukesha urubuga Umuseke aravuga ko ahagana saa tanu z’amanywa kuri uyu wa kane tariki 28 Kamena 2012 nibwo Ministre w’Ingabo w’u Rwanda Gen James Kabarebe n’umugaba w’ingabo z’u Rwanda Lt. Gen. Charles Kayonga bambutse umupaka wa Grande Barrière i Rubavu bagana i Goma mu biganiro na bagenzi babo ba DRCongo mu gushaka umuti ku kibazo cy’imirwano hagati y’ingabo za Congo n’umutwe wa M23 wigometse.

Lt Gen Kayonga na Gen Kabarebe berekeje i Goma

Iyo nkuru ikomeza ivuga ko amakuru agera k’Umuseke.com aremeza ko kuri uyu wa kane muri IHUSI Hotel hafi y’umupaka w’ u Rwanda na Congo aba bayobozi b’Ingabo z’u Rwanda bari buhahurire n’abahagarariye Ingabo za Congo (FARDC) baza kuba bayobowe na Gen Gabriel Amisi Kumba bita “Tango Fort” uyobora ingabo zirwanira ku butaka muri Congo.

Ngo muri ibi biganiro haraba kandi hari abakuru b’ingabo z’umuryango w’abibumbye za MONUSCO bari muri kariya karere ngo barinde amahoro n’ubwo ubu ntayahari, dore ko abacongomani bagera ku 13 000 bamaze guhungira mu Rwanda.

Umuvugizi w’Ingabo z’u Rwanda Brig. Gen. Joseph Nzabamwita we yatangaje ko uru rugendo rw’abakuru b’ingabo z’u Rwanda rugaragaza ubushake u Rwanda rufite mu gushakira umuti w’ikibazo kiri hariya.

Aba basirikare bakuru bagiye muri Congo nyuma y’uko Ministre w’Ububanyi n’amahanga Louise Mushikiwabo nawe ahaheruka mu minsi ishize kuvugana na mugenzi we ku muti wabonerwa ikibazo cy’ingabo za M23 zigometse kuri Leta ya Kinshasa.

Mu biganiro bari kugirana aba bayobozi b’Ingabo ku mpande zombi ndetse na MONUSCO, baravuga ku mitwe ya M23, FDLR iteza umutekano mucye hariya ndetse banarebere hamwe ku bivugwa ko u Rwanda rutera inkunga umutwe wa M23.

Ibi bibaye nyuma y’uko ku munsi w’ejo (tariki 27/06) Umuryango w’abibumbye wasohoye raporo yakozwe n’impuguke zawo Joint Verification Team (JVT), ivuga ko u Rwanda rufasha abigometse ku ngabo za Congo, iyi Raporo Ministre Mushikiwabo akaba yaravuze ko nta shingiro ifite kuko nta bimenyetso bifatika bitangwa n’abavuga ko u Rwanda rufasha abo barwanyi ba M23.

Leta ya Kinshasa yari yandikiye Umuryango w’abibumbye iwubwira ko bimwe mu bihugu bituranyi bifite uruhare mu bibera muri Congo, Ministre Mushikiwabo we, i New York mu kiganiro aherutse guha abanyamakuru yagaye Leta ya Kinshasa gushakira umuti w’ikibazo cyayo mu gushinja abaturanyi bayo ibarega ku Muryango w’abibumbye, aho kwicarana nabo ngo babe babafasha kugikemura nk’abaturanyi.

Source: Umuseke

RWANDA: SUPREME COURT FRESH SUMMON MAY STAY PROCEEDINGS AGAINST THE POLITICAL PRISONER VICTOIRE INGABIRE.

The Rwanda Supreme Court has summoned Madame Victoire Ingabire for 19 July 2012 to re-open, on demand of the defendant, proceedings on the constitutionality of contentious genocide ideology and divisionism laws. According to Rwandan laws, such a move stays proceedings in lower judicial institutions. Meanwhile the High Court has not yet notified the defendant of any measure to postpone its verdict due tomorrow on 29 June 2012. Stayed or not, neither the political prisoner, nor any of her lawyers will seat in the courtroom for the kangaroo verdict because she has withdrawn from the proceedings in the High Court since 16 April 2012 after a scandalous intimidation of a key defense witness.The ORGANIC LAW N° 01/2004 ESTABLISHING THE ORGANISATION, FUNCTIONING AND JURISDICTION OF THE SUPREME COURT (O.G Nr. 3 of 01/02/2004) in its article 97, § 2&3 stipulates that: “Reference of a constitutional issue to the Supreme Court for a ruling stays all court procedures and the running of the time set for instituting cases and prescription until the decision of the Supreme Court is communicated to the lower subordinate court seized with the main case.

However, a subordinate court seized with a case is not obliged to stay proceedings and wait for the ruling of the Supreme Court on the constitutional issue if it is of the opinion that the case is inadmissible on grounds unrelated to the constitutional issue or the judge hearing the case is of the opinion that the decision of the Supreme Court will not in any event affect the outcome of the main case. The decision not to stay proceedings may only be appealed against simultaneously with an appeal against judgment in respect of the main case”.

A prison sentence against the political leader Victoire Ingabire will have serious consequences in Rwanda and the region. Silencing democratic voices with little or no international reaction is a consecration of the rule with an iron fist by “strong men” in Africa, and a slap in the face of the free world and the international civil and political rights.

Rwanda is at a cross roads. We keep in mind the report on direct military backing of armed groups and war criminals in the Eastern DRC by the Rwandan government as overwhelmingly substantiated by the findings by the United Nations experts monitoring violations of the Congo sanctions regime. We express our solidarity to the Congolese innocent citizens and call upon the government of Rwanda to take every step to clear this scandal before vying a spot in the security council for 2013. All military leaders pinned by this report should take accountability for their actions.

We call upon all members and friends of FDU-INKINGI to remain calm and peaceful.

FDU-Inkingi

Boniface Twagirimana

Interim Vice President