IBIHUHA BYARANZE IKI CYUMWERU GISHIZE

IBIHUHA BYARANZE IKI CYUMWERU GISHIZE 1d6f8100-227x3001.Hari amakuru ahwihwisa hanze aha avuga ko Bwana Faustin Twagiramungu yaba agiye kujya mu Rwanda we n’ishyaka rye (ariko kubera ko Twagiramungu ari inyaryenge yabanje kohereza Ambassadeur Sylvèstre Uwibajije kugira ngo nabona ntacyo bamutwaye azabone nawe kujyayo) ndetse hari n’itangazo ishyaka rye ryasohoye ribyemeza.

Kandi ngo ntazagenda wenyine. Azaba ari kumwe na Eugène Ndahayo (bamwe basigaye bamwita Mukabunani)uzaba ugiye kwandikisha ishyaka FDU-Inkingi kuko amaze iminsi yiyise Perezida waryo. Ayo mashyaka yombi Leta ya Kagame izemera kuyandika ndetse bamwe mu bayobozi bayo bahabwe imyanya nk’iriya bahaye Rwigema biciye mu kinamico (amatora)cy’abadepite kizaba umwaka utaha, ariko ngo hari ibyo bagomba kubanza gukora:

-Gusiga basenye opposition yo hanze

-Gusaba imbabazi Rudasumbwa mu bujura n’ubwicanyi (Kagame)

-Guhabwa za renga nkumene. N’ukuvuga ibintu batagomba kuvuga cyangwa gukora bibangamiye FPR

-Gusebya no gushinja ibyaha abo basize hanze y’igihugu ndetse badasize na Madame Ingabire uri mu gihome.

Mu Kirundi baca umugani ngo ntawe uvugana indya mu kanwa. Rero ngo FPR yafashe gahunda yo gutamika bariya bagabo ngo irebe ko baceceka. Hari abavuga ko Bwana Twagiramungu azagirwa Sénateur muri ba bandi Perezida wa Repubulika yemerewe gushyiraho.

Ariko bamwe mu barwanashyaka ba RDI nka Evode Uwizeyimana we yahakanye ko atahinguka i Kigali kuko atinya ko mukotanyi yamukuramo impyiko kubera amategeko yirirwa asobanura kuri za BBC n’ahandi avugisha inaninarimwe.

2.Muri Nyamagabe mu minsi ishize hari abantu bagera kuri 200, ngo bariye ibiryo byari bihumanye ku buryo byabaviriyemo kubajyanwa mu bitaro. Ngo hari abahwihwisa ko baba barazize twa tuzi twa Colonel Dan Munyuza!

3.Madame Louise Mushikiwacu nako wabo, ngo aho amenyeye ko abatekinisiye ba mukotanyi aribo bashobora kuba barishe musaza we Ndasingwa Lando, ubu ngo ntako atagira ngo akoze isoni Leta y’u Rwanda mu mayeri iyo bagize icyo bamubaza ku manyanga Leta ya shebuja iba yakoze!

4.Inkuru ikimara kumenyekana ko Charles Taylor yakatiwe imyaka 50, Perezida Kagame usanzwe ari mu ntambara muri Congo ijya gusa n’iyo Charles Taylor yarimo muri Sierra Léone, ubu afite ikibazo kuko ageze aha ya mpyisi yavugaga iti ncire ncire inyama mire mire umuriro? Mbese ngo ni Ndeke ndeke imali ya Congo, nkomeze nkomereze i La Haye?

5.Ngo Général Bosco Ntaganda yaba avuka mu Rwanda mu Kinigi ngo akaba anafitanye amasano na Rukara rwa Bishingwe!

Marc Matabaro

Rwiza News

 


4 commentaires

  1. karangwa dit :

    NTABWO TWAGIRAMUNGU NA NDAHAYO BASHOBORA GUKORANA NA FPR KUKO IBYO BIRIRWA BAYIVUGAHO BIRAZWI KERETSE NIBA AHUBWO MWITIRANYA NKIKO NA NDAHAYO,UWIBAJIJE KO YAHUJE NKIKO NA KAGAME KUKI ATAHUJE NDAHAYO NA KAGAME?MURI IMBWA GUSA NTA KINDI NABABWIRA

  2. Salaminanga dit :

    Have se nyine ntukabeshye, Ngo kiriya gikoko kiryabantu binzirakarengane aricyo NTAGANDA ngo gifitanye isano nintwari RUKARA RWA BISHINGWE. Ntawukomoka kuricyo cyamamare cyo mu MULERA wamera nka NTAGANDA ! Icyo ni igitutsi gikomeye, ucyicuze muntebe ya penitensiya ! UMULERA wo mu GAHUNGA KABARASHI uzi uwariwe ? Rekeraho kuvuga ibikurenze !

  3. Emma dit :

    Komera Matabaro uzi gukurura amakuru AKENEWE KOMEREZA HO GUSA IGIHUHA CYA 2 NA 3 UBUKORERE INKURU ZIHARIYE IBYUBUROZI NI BIREBIRE N’IBYA MUSHIKIWABAMUSHUKA

  4. GISAKA dit :

    TWAGIRAMUNGA RAGARUTSE KAND GUSA MBABAJWE NURIYA WIGIZE INTERM WA FDU INDA WE,OPPOSITION KO IFITE IBIBAZO UWE MEREWE UMUGATI WESE AHITA ABIVAMO BIRABABAJE.OK NIBAZE AZE YUBAKE RWA RWIBUTSO RWA KIBEHO NKUKO AKUNZE KUBIVUGWA TUREBE

Répondre

archivesallahalwatanalmalik |
pk2012legislatives |
rectificador |
Unblog.fr | Créer un blog | Annuaire | Signaler un abus | thevoiceofpresidentielles
| legislative2012
| cournonpartisocialiste