Congo yemereye Ingabo z’u Rwanda kwinjira muri Congo ku mugaragaro

Congo yemereye Ingabo z’u Rwanda kwinjira muri Congo ku mugaragaro rwanda_congo1-2Amakuru dukesha urubuga Kigali today aratumenyesha ko Minisitiri w’Ingabo z’u Rwanda, Gen. James Kabarebe na Minisitiri w’Ingabo wa Repubulika Iharanira Demokarasi ya Kongo, Alexandre Luba Tambo, basinye amasezerano y’ubufatanye mu kugarura umutekano muri Kongo.

Abo bayobozi ngo basinye aya masezerano tariki 12/05/2012 muri Kivu Serena Hotel mu karere ka Rubavu nyuma y’inama yabahuje hari n’abagaba bakuru b’ingabo z’u Rwanda na Kongo.

Ngo abaminisitiri b’ingabo z’ibihugu byombi baremeza ko bagiye gushyira hamwe mu kurwanya imitwe yitwaje ibirwanisho ikorera mu burasirazuba bwa Kongo; nk’uko itangazo bashyize ahagaragara ribivuga.

Ngo mu biganiro bagiranye n’abanyamakuru, Minisitiri w’ingabo z’u Rwanda, Gen. Kabarebe yagize ati “ibibazo bibera muri Kongo bigira ingaruka nyinshi ku Rwanda ni yo mpamvu twiyemeje gushakira umuti hamwe.”

Nk’uko urubuga Kigali today rukomeza rubivuga, Minisitiri w’ingabo wa Kongo, Tambo ashimangira ko bashyize hamwe ingamba zifatika zo kurwanya by’umwihariko imitwe y’inyeshyamba cyane cyane FDLR. Yagize ati “dufite ubushake bwo gukorana n’ingabo zo mu Rwanda kugirango duhagarike ibikorwa by’ubwicanyi bukorwa n’inyeshyamba.”

Na none nk’uko dukomeza tubisoma kuri urwo rubuga, Tambo yatangaje ko ikibazo cy’impunzi kitari cyabazinduye kuko gisaba izindi ngufu zihambaye zizava muri minisiteri ishinzwe iby’impunzi mu gihugu cyabo. Icyo bashyize imbere ngo ni ukongera ingufu mu gukumira ikibazo cy’umutekano muke utuma abatari bake bavanwa mu byabo.

Mu gusoza iyi nkuri urubuga Kigali today ruvuga ko Umugaba w’ingabo za Kongo, Lt Gen Didier Etumba, yatangaje ko ishami ry’umuryango w’abibumbye rishinzwe kugarura amahoro muri Kongo (MONUSCO) ntacyo riri gukora mu kunganira Leta mu kubungabunga umutekano w’abaturage. Icyo kibazo ngo kirareba minisiteri y’ububanyi n’amahanga izakivuganaho n’Umuryango w’Abibumbye (UN); nk’uko umugaba w’ingabo za Kongo yakomeje abisobanura.

Ariko ababikurikiranira hafi ntabwo bahamya ko ibi bivugwa n’abategetsi ba Congo n’u Rwanda birimo ukuri. Nk’uko byagaragaye ingabo z’u Rwanda ntabwo zigeze ziva muri Congo, none u Rwanda rwitwaje iki kibazo cya Gen Ntaganda ngo cyongere umubare w’abasirikare barwo bari muri Congo, dore ko muri iyi minsi bambuka buri munsi ntabwo bikiri ibanga.

Igiteye inkeke n’uko urwitwazo rukomeje kuba FDLR mu gihe iyi mirwano y’abasirikare bigometse bashyigikiye Gen Bosco Ntaganda ari abahoze muri CNDP iyo mirwano ikaba ntaho ihuriye na FDLR.

Hari amakuru afite gihamya yemeza ko u Rwanda rufite gahunda yo kohereza ingabo nyinshi muri Congo rwitwaje umutekano ariko ahanini ari ukugira ngo barebe uburyo bakomeza ubusahuzi bwabo kuko uwo bafatanyaga gusahura Gen Ntaganda bafite gahunda yo kumwivugana kugira ngo atazagira ibyo avuga bishobora kugira ingaruka kuri Leta y’u Rwanda na Perezida Kagame mu gihe yaba agejejwe imbere y’inkiko.

Ariya masezerano Congo yasinyanye n’u Rwanda ni uguha rugari u Rwanda ku mugaragaro kuko n’ubundi rusanzwe muri Congo ngo rwice Gen Ntaganda, biherekejwe no kwikoma MONUSCO mu rwego rwo kugira ngo itabatambamira muri ibyo bikorwa byabo byo gusahura, kwica impunzi z’abanyarwanda ziriyo no kuvogera ubusugire bwa Congo.

Marc Matabaro
Rwiza News

 


12 commentaires

  1. Anonyme dit :

    Muvandimwe nanjye ndagusabira, Imana izakuvane mu kaga kari i mbere.

  2. Anonyme dit :

    Nagira kagame inama yo Kujya ku mavi akisengera, naho ubundi ubuhanuzi buzasohora nta kabuza.

  3. Anonyme dit :

    mwararebye mubona ko kagame ataru muntu bafa gutekereza ngo reka tumukureho mwabonye bidashoboka noneho ,ibyiringiro byanyu,biri ku buhanuzi erega imana dusenga ,iradukunda ,yeremiya yatumweho ko ibye birangiye agiye gufa yibutsa imana ibyo yakoze imwongerera 15 ans,nanjye ngiye kujya ku mavi, ntakintu na kimwe saba imana ngo ireke kugikora ngize ni mana ko nunvise buno buhanuzi,ijambo ry imana riravuga ngo zana urubanza rwawe, ngiye rero kwibutsa imana ibyo rudasumbwa yakoze ,ahubwo ngurebe murataha mwese mureke kuba impunzi simpakana ubuhanuzi ariko amasengesho yacu nizera ko imana iyunva kandi ata maraso azongera kumeneka mu rwanda, mu byibagirwe

  4. mbonyumutwa dit :

    reka ngusuhuze wowe wanditse iyi nkuru.ibyo watugejejeho ni ibintu by’ingenzi cyane ariko njyewe ndashaka kugutuma kuri uwo srgt.uzamutubarize niba ntansinzi yahawe kuko abana burwanda turarambiwe pe.guhora dupfa ndabona ari ntacyo byatugezaho.

  5. Di Bernaldo dit :

    UBUHANUZI: nyuma ya Magayane , Sgt Nsabagasani Dominic yeretswe ko Kagame azicwa n’inshuti ye.
    NDL: Veritas irabagezaho inkuru y’ubuhanuza yatangajwe n’ikinyamakuru inyenyeri kugirango abasomyi benshi bamenye ibirimo bivugwa ku iherezo ry’ingoma ya kagame. Mbere gato y’igitero cy’inkotanyi mu mwaka w’1990, ikinyamakuru Kangura cyasohoye ubuhanuzi bwa Magayane, twarabusomaga ntitubyumve ndetse ntitunabyemere, aho inkotanyi zitereye bamwe bavuze ko ari propagande ya FPR, nyuma ya 1994 ubwo buhanuzi bwa Magayane bwagarutseho kenshi, ndetse nubu hari abantu baterera akajisho aho bwanditse ngo barebe ikizakurikiraho. Muri ubwo buhanuzi bwa Magayane hari aho avuga ko abandi bantu bazahanura, icyakora havuzwe uwitwa Mechac (ni ubwo nta buhanuzi bwe bwanditse dufite) none tubonye n’ubuhanuzi bwa Sgt Nsabagasani Dominic. Ubuhanuzi bwa Magayane bwavuzwe Habyarimana akiriho , ariko Magayane ntiyarariho, ariko abantu bari mu buyobozi bwa Habyarimana bavugwagamo bari bakiriho nta numwe wabunyomoje, ubu buhamya bwa Sgt Nsabagasani Dominic nabwo butanzwe Kagame akiriho ndetse n’abantu benshi bavugwamo bakaba bakiriho, ubwo bazagira icyo batubwira niba babishatse ariko akarusho ni uko nyir’ubuhanuzi ariwe Sgt Nsabagasani aracyariho, ubwo azarushaho kuduhishurira neza uko Imana yamuhaye ubu butumwa, ahasigaye nimwisomere , abemera bemere abashidikanya nabo bategereze:

    Mu bimenyetso yahaye Kagame hasigaye 1 gusa.

    Mu kiganiro ikinyamakuru Inyenyerinews cyagiranye na Sgt Nsabagasani Dominic, yatubwiye ko Imana yamweretse ko ubutegetsi bwa Kagame bugeze mu gihe cyabwo cya nyuma. Sgt Nsabagasani Dominic avugako ibyo atubwira aha yabibwiye Kagame Paul ariko ntiyabiha agaciro, kimwe ni uko nabwo yabwiye Habyarimana Juvénal ko uburyo agiye kuzicwa nawe ntiyabyumva.

    Abantu beshi bakunze kuvuga ko ubutegetsi bwa Kagame buri mu marembera, bavuga ko ari ubuhanuzi Imana yabahaye, ariko akeshi nta muntu wigeze ujya ahagaragara ngo atange amazina ye, atange n’ubwo butumwa kumugaragaro nkuko Imana yabimutumye ngo avugire mu ruhame uko bizagenda. Ikinyamakuru Inyenyerinews cyegereye umunyarwanda wahoze ari umusirikare wa Habyarimana akaza no kuba umusirikare wa FPR atubwira uko Imana ngo yamweretse amarembera y’Ingoma ya Kagame, ndetse adusaba gutangaza ubuhanuzi bwe uko bwakabaye ntakintu nakimwe twibagiwe, kuko ari amagambo y’Imana, kandi ngo ikaba imutegeka kubitangaza mu banyarwanda .

    Twamubajije niba kubitangaza bitamutera ikibazo cy’umutekano we, atubwira ko we ntakibazo afite kuko azi iby’Imana yamubwiye kandi ko ariyo yamutumye, bityo ngo kutabitangaza nibyo bibi kuri we kuruta kubitangaza.

    Sgt Nsabagasani Dominic ni muntu ki?

    Ni umunyarwanda wo mu bwoko bw’abatutsi, yavukiye mu cyahoze ari Gitarama, 1971, ahitwa Musambira, yatubwiye ko akimara kuvuka Mama we yahise yitaba Imana nyuma y’ibyumweru bibiri avutse, hashize ukwezi na Papa we aba arapfuye, ngo yarerewe kwa sekuru nawe waje kwicwa muri jenoside y’abatutsi muri 1994.

    Mu 1992 yinjiye mugisirikare cya Habyarimana, arangije inyigisho za gisirikare yinjiye muri Batayo ya 71 yabaga mu Bugesera, akurikizaho Gako, nyuma ngo ajyanwa i Byumba, ahava yinjira muri Batayo ya Paracomando yabaga i Kanombe ngo icyo gihe yari afite ipeti rya Premier soldat / R. Caporal. Yatubwiye ko ngo yinjiye igisirikare ari umukristu gatolika nyuma aza guhindura aba umurokore.

    Ahanurira Habyarimana.

    Muri 1993 yarose inzozi zirimo iyerekwa, hanyuma yumva ijwi rimubwira ko ngo agomba kubibwira Habyarimana ko ingoma ye irangiye kandi bazica abantu beshi, ariko agira ubwoba bwo kubivuga kuko yacyekaga ko ari buhite yicwa, nyuma ngo ijwi rya komeje kumuhata, aza gushirika ubwoba arabivuga, ubwo yahereye kubasirikare bose babanaga muri iyo Batayo ya Para commando. Nyuma ngo yaje kubibwira Majoro Ntabakuze Aloyozi wari umukuru w’iyo Batayo ya para commondo yabagamo ( ubu Maj. Ntabakuze afungiye Arusha), ndetse amusaba ko abibwira Habyarimana kuko ngo Imana ariko yari yabimutegetse.

    Ibyo yavugaga byose abo basirikare ngo ntibabyumvaga batangira kuvuga ko aribyo yatumwe na bene wabo kuko ngo yari umututsi, bimuviramo ingaruka zikomeye zo kwangwa n’abasirikare babanaga,ariko ngo Imana imubwira ko atazicwa. Nyuma ngo Maj Ntabakuze yaje kubibwira Habyarimana, ngo Sgt Nsabagasani ategekwa ko agomba kurindirwa mu kigo cya gisirikare i Kanombe ntasoheke.

    Indege ya Habyarimana imaze guhanurwa, ngo yari mu kigo i Kanombe, naho bavuga ko ngo yari abiziranyeho nabene wabo baba tutsi, yajyanywe mu kigo cy’abasirikare barindaga Habyarimana ( Camp GP) ku Kimihurura, ajyanywe kwicwa, ariko ngo Imana ikomeza kumuha isezerano ry’uko atazicwa.

    Ajya kwicwa Inuma yamuhagaze ku mutwe abasirikare bagira ubwoba.

    Ku itariki ya 7 Gicurasi, 1994, abasirikare bahawe amabwiriza yo kujya kumwica, bamutwara hanze y’ikigo ahegereye ahantu ngo bita Murugando, bakigerayo abasirakare barimo bashaka ahantu ho kumwicira, bahagaze gato, Inuma iraza ihagarara ku mutwe we abasirikare barwana no kuyirukana ariko iranga, barwana nayo nk’iminota 5 yanze kugenda bagira ubwoba bariruka. Ubwo bahise babibwira abari babohereje kumwica bahita bamusubiza mu kigo batangira kumugirara ikizere cy’uko yatumwe n’Imana koko. Ariko bategeka ko atagomba kurenga icyo kigo cya Camp G P ( Umutwe warindaga Habyarimana).

    Yinjira mu gisirikare cya FPR.

    Ku itariki ya 3 Kamena ngo hapanzwe kumwica bwa kabili, ariko ngo umwe mu basirikare babanaga, yamubwiye ko bapanze kongera kumwica, ndetse ngo amufasha gutoroka, ubwo yahise atoroka ikigo, anyuze Kivugiza i Nyamirambo, yinjira ahari abasirikare ba FPR, asanga abari kuburinzi basinziriye bose, arabakangura afite imbunda yambaye n’imyenda ya gisirikare, umwe ngo ashaka kumurasa,ariko amubwira ko atari umwanzi ntiyaba akimurashe. Yajyanywe kwa Lt Col Nzaramba ubu usigaye ari Maj Gen muri RDF,niwe wari ukuriye abo basirikare ba FPR bari abo muri Batayo ya 21 yari iri aho.

    Avuga ko agezeyo yahise yerekwa n’Imana ko Kigali izaba ifashwe ku itariki 4 Nyakanga 1994 abibwira Nzaramba. Nyuma yo gufata Stade ya Nyamirambo, ikibuga cy’Indege i Kanombe, yajyanywe kuruhuka, amara umwaka wose ntacyo Imana imubwira.

    Ahabwa ubuhanuzi kuri Kagame muri 1996 agategekwa nawe kubimubwira.

    Nyuma ngo yaje kuryama nanone yerekwa ukuntu Kagame azapfa, kandi ategekwa kubivuga, ngo muri iryo yerekwa rye , ngo yeretswe . abona Kagame araswa n’imwe mu nshuti ze zimuri hafi, ariko atashoboye kumenya izina neza cyangwa kwerekwa isura. Nyuma ngo Imana yaje kumuha ibimenyetso bigaragaza ko kwicwa kwa Kagame kuri hafi ; avuga ko ibyo byose yabyeretswe ari ku Gisenyi muri Batayo ya 31.

    Bimwe mu bimenyetso yahawe bizagaragaza ko kwicwa kwa Kagame kuri hafi.

    Ubu butumwa yabuhawe ari 1996, harimo kujya Kongo kw’abasirikare no kuvayo kw’impunzi nyishi zari zarahunze u Rwanda ; intambara y’abacengenzi no kurangira kwayo ; Kagame aba perezida , no kwamamara kwe hirya nohino ku isi ; ifungurwa ry’abanyururu ; agahe k’amahoro ; gahunda zihindagurika za leta ; kumanurwa muntera kwa Kagame no kwangwa n’abanyarwanda n’amahanga. Nyuma ngo ingabo zizasubira Kongo, nizimara kugera muri Kongo Kagame azicwa,hakurikireho gusubiranamo kw’ingabo Kagame amaze gupfa ; habe kugaruka kw’ingabo zagiye muri Kongo zihuruye kubera ubwicanyi buzaba buri mu gihugu ; hazabaho Kugotwa kw’ impande zose z’u Rwanda nabasirikare beshi, habeho kumeneka kw’ amaraso meshi y’abanyarwanda kuruta ayamenetse mbere muri 1994, hazakurikiraho kugaruka k’Umwami Kigeli V Ndahindurwa ; habeho gutahuka kw’abantu beshi bari hanze ; ibyo byose bizaba Sgt Nsabagasani nyiribuhanuzi atakiba mu Rwanda.

    Ubuhanuzi buhabwa Kagame.

    Avuga ko akimara kubyerekwa muri 1996 yahise abibwira abasirikare bose babanaga muri Batayo ya 31 nk’uko yabibwiye abasirikare babanaga kwa Habyarimana. Amaze kubivuga kandi yanabivugiye imbere y’abasirikare bari munama yari iyobowe na Gen Mubaraka. Ngo Gen Mubaraka yamubajije niba igihugu kizafatwa n’abacengezi kuko aribo barimo kurwanya igihugu , amubwira ko igihe kitaragera.

    Avuga ko Mubaraka yaje kuhava asimburwa n’uwitwa Maj. Jacob Tumwine icyo gihe, ngo Imana yakomeje kumuhata ngo yandike avuga ubuhanuzi bwe kandi abubwire abayobozi bohejuru. Ku itariki ya 13 Gicurasi 1998 yandikiye Perezida Bizimungu amubwira ibyo yeretswe , ariko ibaruwa yamwandikiye yatwawe n’ ushinzwe urwego rw’iperereza muri iyo Batayo ya 31 yabagamo, 2Lt Claude ( ntabwo ngo yibuka irindi zina), arutwara muri G2, urwego rushinzwe iperereza muri Ministeri y’ingabo, ari naho banyujije iyo baruwa y’ubuhamya yari yandikiwe perezida maze ihabwa Kagame wari visi perezida akaba na minisitiri w’ingabo icyo gihe.

    Nyuma yaje gutumwaho n’uwitwa Capt Franco (nawe ngo irindi ntaryibuka) wakoraga muri G2, amubwira ko ubutumwa babusigiye Visi perezida ( icyo gihe yari Kagame) kuko prezida adahari, kandi ko ubwo butumwa visi prezida yabubimye, akaba asabwa gusigara i Kigali ariko yarabinginze ngo asubire aho yari mu gisirikare kuko yumvaga aribyo byamufasha.

    Atangira guhigwa bashaka ko apfa.

    Kubera ko ubwo butumwa butigeze bushimisha abo yabuhaye, ngo hatangiye umugambi wo gushaka uburyo yakwicwa, maze hapangwa kumwohereza kurugamba ahantu habi kugirango apfireyo, Sgt Nsabagasani avuga ko yaje koherezwa kurwana Kongo, Imana nanone yaje kumubwira ko agiye koherezwa ahantu habi ariko ko ntacyo azaba, ngo bari ahantu hitwa Mpfizi muri Kongo, yari ayobowe n’umusirikare witwa Maj Rutayomba Theogene, yaje koherezwa kurugamba ahantu habi, ajyana n’abasirikare 2 gusa kureba aho abasirikare barwana nabo bari bari. Ariko ngo wari umugambi wo kumuroha ngo agwe aho, yakomeje kwizera ijwi ry’Imana ko iri bumurinde. Avuga ko Imana yakoze igitangaza ngo abageze hafi yumvise ijwi rimubwira ngo narase isasu rimwe gusa, amaze kurirasa abasirikare bose barirutse ngo barahunga bata imbunda nyishi cyane kuburyo abasirikare bandi baje kuza basanga azicaye iruhande wenyine n’abasirikare 2 bari kumwe kuko batari gushobora kuzikorera zose. Yaje gusubizwa mu Rwanda muri 2002 ariko asize abwiye abasirikare ko bose bagiye gutaha kuko ariko Imana ngo yari yamweretse.

    2003 Kagame yaje kumutuma ho intumwa amubaza niba azatsinda amatora, ariko ngo amusubiza ko atazayatsinda ahubwo azayiba, amaze kumusubiza gutyo ategeka ko bamukura mu gisirikare, yaje gukurwa mu gisirikare atabizi yumvise gusa bamusoma kuri lisiti y’abasirikare bagomba gusezererwa. Avuga ko amaze gusezererwa yasubiye iwabo i Musambira, ariko akomeza kuvuga ubutumwa, hirya no hino mu gihugu.

    Uko Sgt Nsabagasani yavuye mu Rwanda.

    Avuga ko mu kwezi ku Ukwakira 2009, yabwiwe n’ijwi ry’Imana ko agomba gushaka ibyangobwa akava mu gihugu, kuko ngo ibyo Imana yahanuye byenda gusohora, amaze gushaka ibyangobwa byose, we ngo ntabwo yaje yihishe kuko yategetswe ko agomba gusiga abibwiye abantu igitumye agenda kuko Imana igiye gusohoza ibyo yavuze. Yatangiye gusezera kubantu bose ahereye ku baturanyi be, ndetse n’abayobozi ababwira ibizaba, asezera ngo amatorero ndetse n’iry’i Kigali, cyane irya ADEPR riri ku Kacyiru aho bakunze kwita Meridien, abibwira abakirisito bose ko agiye kugenda kuko ngo ariko Imana yamutegetse ngo ibone gusohoza amasezerano yavuze ku Rwanda.

    Ubuyobozi bwa leta bwumvise ko asezeye bumutumaho uwitwa Senateri Antoine Mugesera, amubwira ko nubwo agiye ariko atagomba gutwara abantu, kandi amusaba kudakomeza kuvuga ko igihugu kigiye gusubira mu bwicanyi kandi kizapfamo abantu beshi.

    Ku itariki ya 8 Gashyantare 2010 niho ngo yahagurutse mu Rwanda Imana imubwiye ko ngo azagaruka kandi azaza azanye n’Impunzi nyinshi zabaga hanze zose kuko igiye gusohoza imigambi yayo.

    Yatubwiye kandi ko mu byo yeretswe byose igisigaye ari ugusubira Kongo kw’ingabo z’u Rwanda, kwicwa kwa Kagame n’abanyarwanda no kugaruka k’Umwami Kigeli V Ndahindurwa.

    Iki kiganiro ikinyamakuru Inyenyerinews cyagiranye na Sgt Nsabagasani, twagitangaje uko cyakabaye, twirinze kugira icyo dukuramo cyangwa se twongeraho.

    Basomyi , n’ahanyu buri wose afite uko abyumva, n’uko abyemera !

    Di Bernaldo

    Cyangugu

  6. Anonyme dit :

    Nta mpamvu yo kubivuga cyane, ahubwo uwiyeza yiyeze kdi vuba kuko byose bigeze ku iherezo.

  7. Nani dit :

    Wowe uri kuri uru rubuga mbabarira ugira icyo uvuga niba warasomye ubuhanuzi bwa Nsabagasani, ukore ka analyse gato kubyo avuga maze nawe ugire icyo wagiraho inama bagenzi bawe babanyarwanda uko ubyumva. Ndabinginze mudukorere ako kantu mwigomwa akanya kanyu. Ubwo buhanuzi no kuri net bubonekaho. Murakoze

  8. Mimi dit :

    Ibi binyibukije ubuhanuzi bwa Nsabagasani wavuzeko ingabo zurwanda nizisubira congo bwa kabiri izagiye zirwana zizagaruka zihuruye zije gutabara igihugu cyazo nkabisuzugura nibwira ko ari amayeri ya aboposant ko bavuga ibyabaye bakabyita ubuhanuzi none bimwe bitangiye gusohora tureba. Mana yanjye nubwo ndi umunyabyaha nshyize ubuzima nubugingo byanze mu biganza byawe ngo uzandinde maze nzatange ubuhamya.

  9. Rukataza dit :

    Ibyari bitegerejwe byasohoye.

    Babivuga mukabihakana none birabaye.

    Abajya Congo bagende basezeye kuri shebuja Kagame kuko abatazagwayo bakagaruka bazasanga amarembo afunze nawe Kagome yararangije ake.

    Bayi bayi ingoma isize amateka mabi.

  10. Di Bernaldo dit :

    Abanyarwanda bagiye gusubira muri congo , muzaba mureba bazahavana imbwa yiruka!!! kabiri mu rugo rw’umugabo, dore aho nibereye!!!
    Abanayrwanda baziko bafite ingabo zikaze, mais moral iri hasi cyane kubera ko twacitsemo ibice, nabo ni abantu bamze kurambwirwa intambara z’urudaca!
    Ikibazo kindi ni uko Kagame yiyemera yumva ashoboye byose kandi we ntawmushobora, mais iminsi ye irabaze kandi ibimenyetso ntawe ubivuga biriyerekana ubwabo!! Hababaje abana b abanyarwanda!!

    Di Bernaldo.

    Cyangugu

  11. brb dit :

    Ngabo z’u Rwanda mukomerezaho. Turabemera, turabakuda, muzane FDLR yose itahe yubake urwatubyaye. Mureke ziriya nkorabusa ziri i Burayi zirirwe mu muhanda, ngo zirashaka gufunguza INGABIRE. Akabextremiste kararangiye mu rwa Gasabo!!!!!!!!!!

  12. Herman dit :

    Amatwi arimo urupfu ntabwo yumva. Kagame yibuke Rwara rw’umugara rubunze mu mashyamba azashaka gukomeza gushotora igihuru kikamubyarira igihunyira. Gusubira kwa RDF muri Congo ku mugaragaro amenyeko nta mugisha urimo, bikojeje isoni kubona tubuza amahoro abakongomani kandi nabo ari abantu nkatwe.

Répondre

archivesallahalwatanalmalik |
pk2012legislatives |
rectificador |
Unblog.fr | Créer un blog | Annuaire | Signaler un abus | thevoiceofpresidentielles
| legislative2012
| cournonpartisocialiste