Archive pour avril, 2012

FDU-INKINGI SOUTIENT LA DÉCISION DE MADAME VICTOIRE INGABIRE DE SE RETIRER DU SIMULACRE DE PROCÈS.

FDU-INKINGI SOUTIENT LA DÉCISION DE MADAME VICTOIRE INGABIRE DE SE RETIRER DU SIMULACRE DE PROCÈS. 545914_216590855116144_100002956927572_360089_748311353_n1Kigali, le 17 avril 2012

Lundi 16 avril 2012, Mme Victoire Ingabire Umuhoza, Présidente des FDU-Inkingi, a pris la décision de se retirer avec effet immédiat du simulacre de procès lui intenté par le Ministère public et ouvert depuis plus de 6 mois devant la Haute Cour de Kigali. Ayant totalement perdu confiance en la justice de son pays, elle n’assistera donc plus aux audiences que la Cour aimerait organiser contre son gré, usant de la contrainte par corps. Elle a décidé de les boycotter.

Cette décision de haute portée judiciaire a été prise après qu’elle ait constaté le manque d’équité persistant de son procès depuis le début marqué par le non respect des principes généraux de droit de base telles que la non rétroactivité des lois, la compétence matérielle et territoriale des juridictions, des intimidations continuelles contre le conseil et les témoins de la défense, du manque de neutralité des juges qui, à plusieurs reprises, ont pris à partie l’accusée, tout en se montrant complaisants avec l’accusation.

Après avoir tout essayé pour ramener la cour à respecter les principes élémentaires de justice, elle est définitivement convaincue qu’il n’y avait pas de justice à attendre d’un système judiciaire aux ordres du régime en place, comme cela a été démontré par d’innombrables immixtions de l’Exécutif, à commencer par le Président de la République, via des déclarations intempestives et autres actes de harcèlement envers l’accusée. Le moment était venu de dire au monde qu’il est temps de mettre fin à cette parodie de justice.

Le Comité exécutif provisoire et le Comité de coordination des FDU-Inkingi félicitent et soutiennent leur Présidente pour cette courageuse décision qu’elle vient de prendre. Cette décision marque un tournant majeur dans le processus de lutte pour les droits fondamentaux au Rwanda. Le système en place a montré ses limites, le monde entier peut voir maintenant, la vraie nature totalitaire du régime du FPR, un régime qui, en vue d’empêcher l’exercice des libertés publiques, bafoue allègrement les règles les plus élémentaires de la justice, s’immisce dans le processus judiciaire, menace et intimide les témoins et les avocats de la défense.

En effet, le crime de Madame Victoire Ingabire Umuhoza est d’avoir exigé l’ouverture de l’espace politique, d’avoir dit son intention de se présenter à la magistrature suprême pour les élections présidentielles d’août 2010, d’avoir cherché à créer un parti politique d’opposition. Enfin, et non pas le moins important, d’avoir demandé que les crimes contre l’humanité commis par le régime en place soient poursuivis et que la douleur et la mémoire de toutes les victimes du génocide rwandais soient reconnues.

Dans notre document daté du 19 juin 2011 et intitulé « Un Procès Politique contre Mme Victoire Ingabire Umuhoza », nous avions montré la nature politique de ce procès et cela s’est confirmé tout au long du procès. Bien qu’elle savait que ce pouvoir n’avait aucune autorité morale pour la juger entant qu’opposante politique, Mme Victoire Ingabire Umuhoza, accusée des pires de crimes dont le terrorisme et le négationnisme, a néanmoins accepté de comparaître devant cette justice. Les craintes exprimées par beaucoup d’analystes se sont confirmées: le système judiciaire rwandais ne fonctionne pas et il se trouve entre les mains du pouvoir dictatorial. Elle va se consacrer, malgré qu’elle reste toujours en prison, à son combat politique essentiel, celui de l’Etat de droit, des libertés publiques et de la réconciliation.

Les FDU-Inkingi demandent au gouvernement rwandais de relaxer immédiatement et sans condition leur Présidente afin d’entamer des discussions constructives entre le pouvoir et l’opposition, seul moyen pouvant garantir à long terme l’alternance politique et la cohabitation sociale pacifiques.

Les FDU-Inkingi mettent en garde le pouvoir rwandais contre toute tentative de porter atteinte à la vie et à la santé physique et mentale de Mme Victoire Ingabire Umuhoza, par des actes de harcèlement ou des traitements inhumains dégradants. La même mise en garde est faite en faveur de tous les collaborateurs de Mme Ingabire, membres du Comité Exécutif Provisoire, responsables du parti à différents échelons ainsi que tous les témoins de la défense.

Les FDU-Inkingi préviennent aussi le gouvernement rwandais contre toute tentative de ne pas respecter la décision de Mme Victoire Ingabire Umuhoza de se retirer de ce simulacre de procès, notamment en recourant à l’usage de la force pour contraindre l’accusée à comparaître.

Les FDU-Inkingi adresseront prochainement au public rwandais et international, une analyse complète de ce procès politique.

FDU-Inkingi
Boniface Twagirimana
Vice-Président intérimaire

URUZINDUKO RW’ABAYOBOZI BA RWANDA NATIONAL CONGRESS MURI SCANDINAVIA

Nyuma y’aho RNC (Rwanda National Congress) ifatanyije na FDU- Inkingi bahurije hamwe abanyarwanda baturutse imihanda yose ku itariki ya 14-04-2012 mu mujyi wa Bruxelles mu Bubiligi , mu gitambo cya misa ndetse n’igikorwa cyo kwibuka inzirakarengane zazize ishyano ryagwiriye u Rwanda ntakuvangura amoko, ku munsi ukurikiyeho, ku itariki ya 15-04-2012 abayobozi batandukanye b’ihuriro nyarwanda ( RNC) barangajwe imbere na Bwana Dr. Theogene Rudasingwa , bagiriye uruzinduko rw’akazi mu gihugu cya Danmark.

Bashoboye kugirana ikiganiro n’abayoboke b’iryo huriro batuye mu bice bitandukanye bya Danmark . Iyi nama rero ntiyahuriwemo gusa n’abanyarwanda batuye muri Danmark, ndetse yari yitabiriwe n’abandi banyarwanda baturutse mu bihugu by’abaturanyi nka Suwede.

Muri iyi nama mbwirwa ruhame, yari yahuriwemo n’andi mashyirahamwe aharanira uburenganzira bw’ikiremwamuntu nka AMICAR Rwanda.

Bwana Rudasingwa Theogene yasobanuriye abanyarwanda batandukanye bari aho, impanvu iri huriro nyarwanda ryashinzwe, imigabo n’imigambi yaryo, ndetse n’ibyo rimaze kugeraho mu gihe gito rimaze rishinzwe.

Hibanzwe cyane cyane ku buryo abanyarwanda bashobora kwimakaza umuco wa demokarasi, uburenzira bw’ikiremwamuntu, kwirinda amacakubiri ashingiye ku moko n’ uturere, ndetse n’uburyo abanyarwanda bazashobora kwigobotora ingoma mpotozi y’igitugu iyobowe n’umwicanyi kabuhariwe Paul Kagame.

URUZINDUKO RW’ABAYOBOZI BA RWANDA NATIONAL CONGRESS MURI SCANDINAVIA 306286_336070456453863_100001527334406_847244_1401599717_n

Dr Rudasingwa aganira n'abanyarwanda batuye muri Scandinavia

149430_336072279787014_100001527334406_847256_596510777_n

Dr Rudasingwa na bamwe mu banyarwanda batuye muri Scandinavia

Rwanda National Congress Danmark.

Ubuzima bw’abanyarwanda baheze mu Burusiya!

Abanyarwanda benshi bamaze gukwira isi yose kubera politiki mbi ya Leta y’u Rwanda yimitse akarengane, avangura, ubwicanyi n’andi mabi menshi atuma abanyarwanada bahunga cyangwa bagahitamo kuguma aho bahungiye cyangwa aho intambara yasanze baragiye kwiga.

Ubu ni ubuzima bw’umunyarwanda witwa Francois TULIKUNKIKO wari waragiye kwiga ubuganga mu Burusiya.

Image de prévisualisation YouTube

Marc Matabaro

Rwiza News

IMIKINO YA LETA Y’U RWANDA IGAMIJE IKI?

IMIKINO YA LETA Y’U RWANDA IGAMIJE IKI? Ibingira-wamazde-abantu

Lt Gen Ibingira na Gakwaya Ernest alias Camarade

Muri Mutarama uyu mwaka habayeho gufungirwa mu ngo zabo abasirikare bakuru aribo Lt Gen Fred Ibingira, Brig Gen Richard Rutatina, Brig Gen Wilson Gumisiriza na Col Dan Munyuza, baregwaga ibikorwa byo kutitwara neza no gukora ibikorwa by’ubucuruzi butemewe bafatanije n’abasiviri muri Congo. Nyuma havuzwe byinshi birimo ko abo basirikare bakuru bajyanywe gufungirwa ahantu hatazwi n’ibindi.

Amakuru yavaga ku bantu bari hafi y’imiryango y’abo basirikare cyangwa bamwe mu basirikare bakoranye nabo yavugaga ko Perezida Kagame yabaye nk’aho abahannye kugira ngo yereke Perezida Kabila wa Congo ndetse n’amahanga ko ntaho ahuriye n’ibikorwa by’ubucukuzi bw’amabuye y’agaciro no guteza umutekano mucye mu burasirazuba bwa Congo.

Hari n’abavuga ko byari urwitwazo rwa Perezida Kagame kugira ngo abakange abereke ko bagomba kumwubaha ibyo abategete byose, kuko n’ubundi ibyaha baregwa ni ibyaha bito cyane ku buryo bitatuma bafungwa ugereranije n’ibindi byaha bataregwa ku mugaragaro biremereye bijyanye n’ubwicanyi.

Abantu bamwe babikurikiranira hafi bemeza ko Perezida Kagame yabuze uko yikiza aba basirikare, kuko uretse no kuba baregwa ibyaha by’ubwicanyi biremereye bikunze kugarukwaho na benshi kugeza no mu rwego mpuzamahanga, ntabwo Perezida Kagame yakwemera guhozwaho igitutu n’amahanga mu gihe afite abandi basirikare yabasimbuza kandi bo badacyemangwa cyane ndetse banafite ubushobozi n’amashuri kurusha bariya.

Nyuma y’inkuru yatangajwe n’urubuga chimpreports.com kuri iki cyumweru tariki ya 15 Mata 2012, ivuga ko Lt Gen Fred Ibingira yaba yatorotse igihugu, Umuvugizi w’ingabo z’u Rwanda Brig Gen Nzabamwita yahise atangaza ko hari ibyemezo byafashwe bijyanye n’abo basirikare bakuru.

Lt. Gen Fred Ibingira we yashubijwe mu kazi ke naho Brig. Gen. Richard Rutatina, Col. Dan Munyuza na Brig Gen. Wilson Gumisiriza bo iperereza rirakomeje kuko hari ibindi bimenyetso byagaragaye ubwo iperereza ryakorwaga.

Mu gihe Brig. Gen. Richard Rutatina na Col. Dan Munyuza bazajya bitaba kuri minisiteri y’ingabo, Brig Gen. Wilson Gumisiriza we dosiye ye izashyikirizwa urukiko rwa Gisirikare kugira ngo yiregure ibyo akurikiranyweho.

Itangazo ryasohowe na minisiteri y’ingabo rigira riti: “iperereza ryagaragaje ko bateshutswe ku myitwarire n’amategeko bigenga ingabo z’u Rwanda. Abo basirikari bakuru bemeye amakosa bakoze banayasabira imbabazi”.

Ibi ariko bitera benshi kwibaza kuko hagaragaramo ibintu byinshi biteye urujijo.

Niba Lt Gen Ibingira yarahagaritswe ku kazi ndetse agafungirwa iwe bigatangazwa na Ministère y’Ingabo, kuki noneho bitatangajwe ko yasubijwe mu mirimo bakarindira ko habaho inkuru zivuga ko yahunze ngo babone kuzibeshyuza?

Ibyo aribyo byose uwahaye amakuru urubuga chimpreports.com ntabwo yari kure y’ukuri kuko gusubiza byihuse kw’umuvugizi w’Ingabo Brig Gen Nzabamwita bigaragaza ubwoba no gushaka kugira ibyo bapfukirana ngo bitamenyekana keretse niba inzego z’iperereza z’u Rwanda arizo zahaye urubuga chimpreports.com iriya nkuru y’itoroka rya Lt Gen Ibingira mu rwego rwo kujijisha.
Bikaba bishoboka ko Perezida Kagame yabuze uko agenza aba basirikare mu bihe bikomeye nk’ibi aho akeneye abamurwanaho bibaye ngombwa kandi nabo birwanaho kugira ngo batagwa mu maboko y’ubutabera.

Kuba hari abasirikare bazamuwe mu ntera nabyo hari ababibonyemo ubwoba no kuziba icyuho cyasizwe n’aba basirikare no kungera amaboko

Uretse ko n’ubundi umuntu nka Lt Gen Fred Ibingira kubona aho yahungira byamugora, ariko icyo benshi bibajije inkuru yo gutoroka kwa Lt Gen Ibingira igitangazwa n’uko bakekaga ko yaba yishwe bakabeshya ko yatorotse nk’uko byagenze kuri Lt Col Augustin Cyiza. Kuri Perezida Kagame gutoroka kwa Lt Gen Ibingira byaba ari ikibazo gikomeye kuko hari ibyaha by’ubwicanyi byinshi Lt Gen Ibingira aregwa ashobora kuba yashinja Perezida Kagame mu gihe yaba afashwe.

Uko bigaragara ariko ni uko i Kigali harimo kubera umukino wo mu rwego rwo hejuru, ikibazo n’ukumenya uko uzarangira, niba abakinnyi bawo bazashobora gukomeza gucunga uwo mukino cyangwa niba umukino batangije ushobora kubananira kuwucunga no kuwurangiza igihe bashakiye!

Marc Matabaro
Rwiza News

NYUMA YO GUTERWA UBWOBA KW’UMUTANGABUHAMYA WABO, INGABIRE N’ABAMWUNGANIRA BAHAGARITSE KUBURANA

 

NYUMA YO GUTERWA UBWOBA KW'UMUTANGABUHAMYA WABO, INGABIRE N'ABAMWUNGANIRA BAHAGARITSE KUBURANA 545914_216590855116144_100002956927572_360089_748311353_nUyu munsi taliki 16 Mata 2012 mu rubanza Ingabire aburanamo na Kagame hari hateganyijwe ko uwiswe umutangamakuru wari watumijwe n’uruhande rw’abunganira Ingabire ngo atange ubuhamya mu rukiko kubyo yaba azi kuri FDLR n’imibanire yayo na FDU Inkingi dore ko ngo yigeze kuba umuvugizi wa FDLR ubu akaba afungiye muri gereza ya Kimironko. Akaba yagejejwe mu rukiko ahagana mu ma saa tatu za mugitondo urubanza rukaba rwatangiye saa tatu n’iminota makumyabiri.

Mu ntangiriro z’urubanza umucamanza Ngendakuriyo Rulisa Alice akaba yabanje kumubaza kwisobanura ku nyandiko zasanzwe aho afungiye nyuma y’isakwa ngo ryabaye bisabwe n’ubushinjacyaha mu ibaruwa itagaragajwe ahubwo hakaba havuzwe iyandikiwe n’umuyobozi wa gereza asubiza umushinjacyaha mukuru ko ibyo babasabye gushaka babiboherereje. umutangamakuru akaba yahaswe ibibazo n’umucamanza impamvu yabyanditse n’uwo yabyandikiraga. Nyamara mu bisobanuro bye yerekanye ko ntaho bihuriye no kuba bamushinja ko yabyumvikanyeho na Ingabire n’abamwunganira (aha kandi ubushinjacyaha bwivugiye ko ari mu maboko ya gereza ukibaza aho uyu mutangamakuru yahuriye na Ingabire mu gihe umwe afungiye muri gereza ya Kigali undi iya Kimironko ariko umushinjabyaha cg umuhimbabyaha Ruberwa ari na we mutekinisiye mukuru muri uru rubanza akaba yavuze ko ngo bazi inzira byanyuragamo nyamara ntibazigaragaje). Nyuma y’uko atanga ibisobanuro bye umucamanza akaba yahaye Me Gashabana umwanya ngo agire ibyo abaza umutangabuhamya.

Mu gihe ariko Me Gashabana yatangiraga kuvuga ku byabaye ku mutangamakuru hatangiye kuvuka amakimbirane hagati ya Me Gashabana n’abacamanza ndetse n’abahimbabyaha (abashinjabyaha) ku buryo abacamanza bamusabaga kutagira ikindi avuga usibye kubaza ibibazo ariko abashinjabyaha bakaba bateye hejuru basaba ko ibyo bibazo bitabazwa umutangabuhamya ahari basaba ko yasohorwa ariko Me Gashabana avuga ko bitari ngombwa ko asohorwa kuko ibyo yagombaga kubazwa ari ibyo asubiriza aho nyamara umucamanza aranga aha umugisha icyifuzo cy’umuhimbabyaha umutangamakuru arasohorwa. Amaze gushyirwa hanze umucamanza akaba yabwiye Me Gashabana ko abaza ibibazo bye bakareba niba ari ngombwa ko umutangamakuru agarurwa mu rukiko. Me Gashaba mu gutangira akaba yashakaga kwerekana ko uwaje gutangamakuru yatewe ubwoba n’inzego za leta zibisabwe n’ubushinjacyaha ariko abacamanza bakaba bavuze ko niba yaranatewe ubwoba ntacyo byatwara ubuhamya yatanze kuko yari yamaze kubutanga. Me Gashabana akaba yavuze ko byagorana kongera guhamagaza undi mutangabuhamya ngo yemere kuza mu gihe yaba yarumvise ibyabaye kuwa mbere. Uyu mutangabuhamya wiswe umutangamakuru akaba yaratanze amakuru yerekana ko FDLR ntaho yari ihuriye na FDU ndetse ko nta n’umutwe wundi wigeze ushingwa ushingiye kuri iri shyaka ritavugarumwe n’ubutegetsi anavuga ko na we yasabwe gushinja Ingabire ariko arabyanga avuga ko atashinja ibyo atazi ari nacyo cyamuviriyemo gushakirwa icyaha akatirwa burundu y’umwihariko ataburanye.

Amakimbirane yakomeje kugeza ubwo icyari urubanza cyahindutse urubuga rwo guterana amagambo akarishye hagati ya Me Gashabana n’abacamanza Ngendakuriyo Rulisa Alice na Rutazana Angeline ndetse n’abahimbabyaha ruberwa Bonaventure, Mukurarinda Alain na Hitiyaremye Alphonse bakaba bakoze ibishoboka byose bacecekesha Me Gatera kugeza ubwo amaze kuzura uburakari yatangaje ko urukiko rumubujije kwisobanura kandi asaba ubwanditsi bw’urukiko kubyandika gutyo. Abacamanza bamaze kumubwira ko nta jambo afite ndetse ko ngo azashake n’ahandi ajya kuburana hatari mu Rwanda, uwo yunganira Mme Ingabire yasabye ijambo avuga ko amaze kubona ibyakorewe umutangabuhamya urukiko n’ubushinjabyaha bise umutangamakuru, ngo yasanze ari ngombwa ko avugana n’umwunganira amusaba kureba mu mategeko niba ibyo yakorewe bidatandukanye n’amategeko bikaba aribyo umwunganira yasobanuraga n’ubwo bamwangiye ko abisobanura. Me Gashabana akaba yasabwe n’abacamanza kubaza ibibazo nyuma ikibazo yabazaga bahitaga bamuha igisubizo. Amaze kubaza ibibazi bine umucamanza Rulisa amubwira kubaza icya gatanu yaba ntacyo afite agaceceka bagakomeza. Me Gashabana yavuze ko kuba abujijwe kuvuga n’urukiko abyubahiriza kuko bari bamaze kumubwira ko bamwambuye ijambo.

Urukiko rwahise rufata icyemezo ko umutangamakuru atagarurwa mu rukiko ahita asubizwa muri gereza. Icyo abantu bakomeje gutindaho hano ni uko nyuma ashobora kuba yarakomeje kugirirwa ibikorwa by’iterabwoba bakaba bangaga ko nabyo yakongera kubivugira mu rukiko. Ijambo ryahise rihabwa Mme Ingabire wahise unasobanura ko kuva kera urukiko n’ubushinjacyaha bakomeje kumubuza we n’abamwunganira kwisobanura none ko abona ko niba abatangabuhamya batotezwa bagaterwa ubwoba byerekana ko nta butabera ashobora kuzahabwa muri uru rubanza bityo akaba afashe icyemezo cyo guhagarika kuburana. Icyi cyemezo cyaje gitunguranye ku buryo byagaragaraga ko n’abacamanza batabashije kubyumva ariko gifatwa gityo. Ubushinjacyaha bwakomeje buvuga ko urubanza ruzakomeza kuko ngo n’ahandi byahabaye ngo kandi ibintu byari byararangiye ngo nta cyari gisigaye ngo ibyari bisigaye bizakorwa ndetse ngo bazanamushakira n’undi mwunganizi kuko ngo ubutaberabwo mu Rwanda bukora neza ngo na TPIR, Sued, Finland byemeye kohereza ababuranyi mu Rwanda ndetse ngo na Union Africaine yasabye ko Hissein Habre aza kuburanira mu Rwanda. Abahimbabyaha bakaba basabye abacamanza ko bakora ibishoboka byose ngo ubutabera butazahazaharira (sacrifiee) ngo bakazashakira Ingabire umwunganira yabishaka atabishaka.

Abashinjabyaha bavuze ko Ingabire yagombye kuba yarasabye imbabazi (ibi byo gusaba imbabazi ariko n’ubwo byavuzwe twibuke ko byigeze kuvugwa ko Ingabire yasabye imbabazi ndetse bikanashimangirwa na Kagame igihe yari mu Bugande ariko byaje kugaragara ko byari ikinyoma none abashinjabyaha bakaba bavuga ko Ingabire yakabaye yarasabye imbabazi). Ingabire nyamara akaba yavuze ko hari ibaruwa yandikiye umushinjacyaha mukuru amuha inyandiko yamusubizaga ku kibazo umushinjacyaha mukuru yamubajije igihe yamutumizaga mu biro bye. Yavuze ko umushinjacyaha mukuru yamubwiye ko ngo icyatumye bamufunga ari uko ngo bari bazi ko yashakaga gushyiraho ubutegetsi bw’abahutu kandi ko ngo iyo adafungwa leta itari kuzabasha gukomeza gutegeka abaturage uko ibishaka. Iyo nyandiko rero akaba ngo yarayanditse atanga ibisobanuro kuri ibyo bibazo umushinjacyaha mukuru yamubajije.

Urukiko rukaba rwavuze ko icyemezo cyarwo ruzagishyira ahagaragara kuwa gatatu taliki 18 Mata 2012 saa tanu z’amanywa.

Juvénal Majyambere

Kigali

Madame Ingabire Victoire yanze gukomeza kugaraguzwa agati!

Madame Ingabire Victoire yanze gukomeza kugaraguzwa agati! 1269439696-victoire_UUyu munsi kuwa mbere tariki ya 16/04/2012 ahagana mu ma saa sita nibwo Madame Ingabire Victoire, Perezida w’Ishyaka FDU-Inkingi ritavuga rumwe na Leta y’u Rwanda yabwiye urukiko ko ahagaritse kuburana kubera ibogama rikabije ry’ubutabera bw’u Rwanda.

Nyuma yaho ubushinjacyaha bw’u Rwanda butamarijwe bukanananirwa no kwihanganira iby’umutangabuhamya Lt Col Habimana Michel wahoze ari umuvugizi wa FDLR wari wahamagawe n’urukiko ngo atange ubuhamya ku byaha biregwa Madame Ingabire Victoire hanyuma agasobanura mu buryo bwimbitse uburyo umugambi wo guhimbira ibyaha Madame Ingabire Victoire wacuzwe ukanashyirwa mu bikorwa n’inzego zitandukanye z’umutekano zifatanyije n’ubushinjacya.

Hanyuma uyu mutangabuhamya agakorerwa iterabwoba n’ubushinjacyaha n’inzego z’umutekano, zikamusaka, zikamutwara n’ibyo yari afite byose, zikanahita zimujyana mu ibazwa ry’ikitaraganya hagamijwe kumutera ubwoba ndetse no gutera ubwoba n’abandi batangabuhamya bari bateganyijwe kuzaza kuvuga ibya buriya bugambanyi.

Madame Ingabire Victoire, umuyobozi wa FDU Inkingi, yatangarije urukiko ko n’akizere gake yari afitiye ubutabera bw’u Rwanda kahise kayoyoka! Bityo akaba afashe umwanzuro wo guhagarika kuburana kuko abona nta butabera ashobora kubona.

Nyuma y’icyi cyemezo urukiko n’ubushinjacyaha bariye iminwa babura icyo babivugaho ariko ubushinjacyaha bubwira urukiko ko hari Jurisprudence (uko urubanza rundi rujya kumera nk’urwa Madame Ingabire rwaciwe) bugiye gushakira urukiko ngo buyihereho bufata icyemezo ngo cyo kuzana Madame Victoire Ingabire mu rubanza ku ngufu ngo kabone niyo atavuga.

Urukiko rwavuze ko rugiye kwiga kuri iki kibazo ngo rukazatanga umwanzuro ku wa gatatu tariki ya 18 Mata 2012 saa tanu.

Source: Boniface Twagirimana, FDU-Inkingi

Imikoranire ya Viktor BOUT na Perezida Kagame mu myaka yashize ishobora kudasiga Leta ya FPR amahoro!

Imikoranire ya Viktor BOUT na Perezida Kagame mu myaka yashize ishobora kudasiga Leta ya FPR amahoro! Alleged-arms-dealer-Vikto-006

Viktor Bout igihe yatabwaga muri yombi muri Thaïland

Viktor Anatolyevich Bout ni umugabo ukomoka mu gihugu cy’u Burusiya, yahoze ari umupilote mu ngabo z’Uburusiya akaba na maneko mu kigo cy’ubutasi cya KGB.

Ku itariki ya 5 Mata 2012 yakatiwe imyaka 25 y’igifungo n’urukiko rwo muri Leta zunze Ubumwe z’Amerika azira iterabwoba (kuba yarashatse kujya mu gikorwa cyo kugurisha intwaro zashoboraga guhitana abaturage b’Amerika.) Bivugwa ko yashakaga kugurisha inyeshyamba zo mu gihugu cya Colombia intwaro zirimo na za Missiles nyinshi zihanura indege. Yafatiwe mu gihugu cya Thaïland yoherezwa muri Leta Zunze ubumwe z’Amerika.

Ikibazo cy’uyu mugabo kirimo gutera umwuka mubi mu mubano w’Amerika n’u Burusiya, kuko bivugwa ko uyu mugabo azi amabanga menshi y’ u Burusiya ku buryo bitaba byiza ba Maneko ba Amerika bayamenye!

Uyu mugabo yagaragaye mu bikorwa byo kugurisha intwaro kw’isi yose kugeza no mu karere k’ibiyaga bigari. Bivugwa ko yari afite isosiyete y’indege yakoraga ubwikorezi mu gihe cy’intambara ya Congo ahagana muri 2000, aho bivugwa ko yagiranye imikoranire na Leta y’u Rwanda ndetse n’imitwe y’inyeshyamba yo mu burasirazuba bwa Congo. Hari amakuru avuga ko iyo mikoranire itarangiriraga mu bwikorezi gusa ahubwo harimo n’ubucuruzi bw’intwaro ndetse n’amabuye y’agaciro yacukurwaga mu buryo butemewe n’amategeko muri Congo.

Yagiranye imikoranire na Leta y’u Rwanda ku buryo bugaragara kuko hari abantu benshi bahamya ko bamubonye kenshi i Kigali no kuri Goma  kandi akenshi yagendaga mu modoka za Ministère y’ingabo z’U Rwanda.

7_15__9

Viktor Bout mu burasirazuba bwa Congo ahagana mu 2000

Abantu benshi bakurikiranira hafi ibibera mu karere ndetse no kw’isi baribaza niba igikorwa kirangajwe imbere na Leta Zunze Ubumwe z’Amerika cyo gushaka ko Général Bosco Ntaganda afatwa agashyikirizwa urukiko hari aho gihuriye n’amakuru Viktor Anatolyevich Bout yaba yarahaye ibiro by’Amerika bishinzwe iperereza (FBI).

Ayo makuru akomeza avuga ko bishoboka ko abapererezi b’abanyamerika bo muri FBI baba barahase ibibazo uwo murusiya, kugeza aho bavumbuye ko hari aho imikorere ye mu burasirazuba bwa Congo ihuriye na Perezida Paul Kagame.

Général Ntaganda bizwi ko ashobora kuba yarakoranye n’uwo mucuruzi w’intwaro w’umurusiya yaba yibasiwe cyane mu rwego rwo kurya isataburenge shebuja Perezida Kagame dore ko ibyaha by’iterabwoba uwo murusiya aregwa bitajya byihanganirwa habe na gato muri Leta Zunze ubumwe z’Amerika.

Aya makuru aje mu gihe Ministère y’Ingabo z’Amerika (Pentagone) imaze iminsi isohoye amashusho yafashwe na Satellite mu gihe cy’intambara na Genocide muri 1994, ibi bigatuma hari benshi bibaza niba atari uburyo bwo kwibasira Perezida Kagame dore ko ayo mashusho yabitswe igihe kinini mu ibanga ashobora kugaragaza mu buryo budakuka ibyaha by’ubwicanyi byakozwe n’ingabo za FPR n’amatariki byakoreweho, Leta y’u Rwanda ikaba ikomeje kubihakana no gusibanganya ibimenyetso.

Marc Matabaro
Rwiza News

Abari mu butegetsi bwa Perezida Kagame bose si babi: Gerald Gahima

Abari mu butegetsi bwa Perezida Kagame bose si babi: Gerald Gahima tn_PP3_Gahima-300x237Mu kiganiro Gerald Gahima wahoze ari Umushinjacyaha Mukuru mu Rwanda ubu akaba ari umwe mu bashinze Ihuriro RNC, yahaye Radio ITAHUKA ijwi ry’ihuriro Nyarwanda RNC, yagerageje gusonanura ibintu bimwe na bimwe byabaga mu gihe yari mu mirimo y’ubucamanza mu Rwanda.

Yavuze byinshi ku madosiye akomeye yahuye nayo mu kazi ke, urugero: gukora amalistes y’abakekwaho genocide, Dossier ya BACAR na Kajeguhakwa, Ifungwa rya Pasteur Bizimungu, Dossier ya Mporanyi wa SORAS, Dossier ya PC Rwigema na Karekezi Amri n’izindi.

Ndetse avuga ukuntu Perezida Kagame ndetse n’abandi bantu bakomeye bajyaga bivanga mu kazi ke.

Ikindi yatangaje n’uburyo Perezida Kagame yamusabaga guhimbira abantu ibyaha ngo babone uko bafungwa.

Aranavuga ukuntu Perezida Kagame yanze kwakira Dossier y’iraswa ry’indege ya Perezida Habyalimana.

Mushobora kumva icyo kiganiro hano hasi:

http://www.blogtalkradio.com/radioitahuka/2012/04/15/radio-itahuka-ijwi-ryihuriro-nyarwanda-1

 

Marc Matabaro

Rwiza News

Abahutu n’abatutsi bibukiye hamwe i Bruxelles mu Bubiligi.

Kuri uyu wa gatandatu tariki ya 14 Mata 2012, nyuma y’igitambo cya misa cyaturiwe ahitwa Uccle mu mujyi wa Bruxelles mu Bubiligi, abantu bakabakaba 200, bagizwe n’abatutsi n’abahutu bahuriye muri Salle iri mu gace ka Le Woluwé Saint Lambert.

Abafashe amagambo kuri uwo munsi bagaragaje akamaro y’igikorwa cyateguwe n’imitwe ya politiki RNC na FDU-Inkingi cyo kwibukira hamwe inzirakarengane zose, zaba abahutu cyangwa abatutsi.

Icyo gikorwa, cy’agaciro kanini ka politiki, kigomba gukwira mu nzego zose z’abanyarwanda batuye hanze no mu Rwanda ubwaho.
Politiki ya FPR irangajwe imbere na Perezida Kagame yo gukoresha icyumweru cy’icyunamo cyo kwibuka Genocide, kugira ngo iteshe agaciro kandi yandagaze abahutu muri rusange igomba guhagarara.

Imitwe yombi ya politiki yemeranya ko nta na rimwe ubumwe n’ubwiyunge bizagerwaho mu Rwanda mu gihe igice kimwe cy’abanyarwanda kizacecekeshwa, ntigishobore kuririra abacyo bapfuye.

Mushobora gukurikira bimwe mu byavugiwe muri uwo muhango hano hasi:

Joseph Bukeye yafashe ijambo mu izina rya  Nkiko Nsengimana utari washoboye kwitabira uwo muhango.

Image de prévisualisation YouTube

Jonathan Musonera

Image de prévisualisation YouTube Image de prévisualisation YouTube

Noble Marara

Image de prévisualisation YouTube

Epimaque Ntamushobora

Image de prévisualisation YouTube

Joseph Ngarambe

Image de prévisualisation YouTube

Source: Musabyimana.net

AMASHYAKA PS-IMBERAKURI na PDP-IMANZI ARAMAGANA IFUNGWA RY’UMUSAZA HABYARABATUMA SIRIVERI

ITANGAZO RIGENEWE ABANYAMAKURU 

Nk’uko abantu benshi bashobora kuba barabyumvise cyangwa barabisomye, umusaza HABYARABATUMA SIRIVERI yarafashwe ku itariki ya 11 Mata 2012 arafungwa biturutse ku kibazo yabajije mu nama y’umudugudu wa Buhoro, akagari ka Gusharu, umurenge wa Kibangu, akarere ka Muhanga ku itariki ya 10 Mata 2012. Nk’uko amakuru atugeraho abivuga, uyu musaza yaba azira ikibazo yabajije abakoreshaga inama mu rwego rw’ibiganiro bikorwa hirya no hino mu Rwanda muri ibi bihe by’icyunamo.

Umusaza yabajije impamvu hakorwa ivangura mu impfubyi kandi zose zikeneye gufashwa. Ibyo yabisobanuraga avuga ko abana b’impfubyi za genoside y’abatutsi zifashwa nyamara izindi mpfubyi ntizitabweho kandi nazo zifite ibibazo n’ubukene bitoroshye. Ibyo byabaye ubwo uwakoreshaka inama yasobanuriraga abari mu nama uburyo Leta ya FPR itandukanye n’izindi Leta zayibanjirije kubyerekeye imitegekere myiza harimo kuba yaravanyeho ubwoko mu iranga muntu.

Umusaza HABYARABATUMA yahise amanika agatoki abaza ikibazo agira ati » Ni byiza ko abantu bakwitwa abanyarwanda kuruta uko bakwitwa amoko koko, ariko se ko muvuga ko nta moko aba mu Rwanda mwarangiza muti genosiide yakorewe abatutsi ubwo abakiri bato nibajya babaza mu minsi iri mbere bati Umututsi bisobanura iki bazajya basobanurirwa iki ? None se ko mwatubwiye ko leta iriho itavangura abanyarwanda ndetse ikaba inafasha abana kimwe, kubera iki abana bacitse ku icumu rya genoside yakorewe abatutsi barihirirwa amashuri noneho izindi mpfubyi z’abahutu zagizwe impfubyi n’ibibazo byo mu 1994 ndetse n’ibyakurikiyeho bo bakaba batishyurirwa, ngo nabo bafashwe kwiga kandi nabo bigaragara ko hari abafite ibibazo bitaboroheye; ubwo ntabwo byo ari ivangura ? »

Uwari ayaboye ibiganiro uzwi ku izina rya Liberata yashubije uwo musaza ko impfubyi za genoside yakorewe abatutsi zifashwa kubera ko zo zifite ibibazo byumwihariko by’ubukene.
Nk’uko ayo makuru atugeraho abivuga, uwo musaza yaje gufatwa n’umukuru w’umurenge wa Kibangu bamurega ingengabitekerezo ya genoside arafungwa. Amakuru aturutse ahantu hizewe aratumenyesha ko ubu uwo musaza yavanywe aho yari afungiwe akaba yimuriwe mu rukiko rw’ibanze. Abagiye kumusura uyu munsi bababwiye ko ngo agomba kujyanwa bidatinze mu rukiko rukuru rwa Muhanga.

Amashyaka PS-IMBERAKURI na PDP-IMANZI aramagana iyo mikorere igayitse ya Leta ya FPR yongeye kugaragaza ko ivangura abanyarwanda, yewe n’umuntu wese ubiyigaragarije ikamufunga nk’uko yagiye ibikora kuva kera. Biragayitse kubona abategetsi badashobora kwihanganira umuntu wese ubabaza ikibazo kitabashimisha kandi babeshya rubanda ko aribo bakorera.

Amashyaka PS-IMBERAKURI na PDP-IMANZI, barasaba Leta ya FPR kurekura nta yandi mananiza uyu musaza HABYARABATUMA kuko ikibazo yakibarije mu ruhame kandi ntabwo abari bayoboye inama bigeze bamubwira ko atagombaga kukibaza. Leta ya FPR ntigomba gukomeza gukandamiza abaturage kugeza n’aho ishaka kubajyana mu manama badafite uburenganzira bwo kubaza ikibazo na kimwe uretse ibyo kuyihimbaza.

Amashyaka PS-IMBERAKURI na PDP-IMANZI arasanga ko leta ya FPR yagombye gusobanurira abanyarwanda kimwe n’amahanga, mu buryo bwunvikana neza kandi budatera urujijo, uko amoko atabaho cyangwa atigeze kubaho mu Rwanda aho gufunga abashatse gusobanuza.
Ibi kandi birasa cyane n’ibyabaye kuri 30/03/2012, ubwo abasanzwe basura infungwa za politiki zifungiye muri gereza ya Kigali izwi nka 1930 batangajwe n’uko abarinda abanyururu baburabuje umutegarugore waruje gusura umwe mu mfungwa ngo kubera adafite amazuru nk’aye. Uwo mutegarugori yasabye kumenya ibya ngombwa kugirango ashobore kujya kuri lisiti y’abasura abanyapolitiki, by’umwihariko Ingabire Victoire Umuhoza.

Mu gihe Bwana Ntavuka Martini, umuyobozi wa FDU-Inkingi mu mugi wa Kigali, yamusobanuriraga ko nta bya ngombwa bidasanzwe agomba kwakwa, umukozi wa CID ushizwe kwandika abaje gusura witwa Amabilisi niko gusubiza Ntavuka Martini ati : »Urabona uyu mudamu afite amazuru nk’ayawe ku buryo yamusura? ». Uwo mutegarugori yagiye ababaye ariko abanje kubwira Amabilisi wa CID ko niba bagishakirira abantu mu mazuru yabo ntaho u Rwanda rugana. Ibi biteye kwibaza niba ahubwo atari Leta ya FPR ifite ingengabitekerezo aho kubyitirira abandi barimo n’uyu musaza Habyarabatuma.

Amashyaka PS-IMBERAKURI na PDP-IMANZI barasaba abanyamakuru, amashyaka ndetse n’indi miryango gukurikiranira hafi ikibazo cy’uyu musaza HABYARABATUMA SIRIVERI kugirango ahabwe ubutabera kuko bitagenze bityo yarengana nk’uko bimaze kuba akarande mu Rwanda cyangwa akaburira irengero.
Amashyaka PS-IMBERAKURI na PDP-IMANZI ntabwo azahwema kwamagana iyo mitegekere ya FPR igayitse ihoza abana b’u Rwanda mu mwiryane, urw’icyekwe n’ubwoba kugirango ikomeze itoneshe abo ishaka. Ibyo ntabwo bizazana ubwiyunge n’amahoro bikenewe mu banyarwanda kandi aribyo Leta nzima yagombye kuba iharanira.

Bikorewe i Buruseli tariki ya 13 Mata 2012.

UHAGARARIYE PS-IMBERAKURI I BURAYI
Jean-Baptiste Ryumugabe (Sé)

UMUNYAMABANGA NSHINGWABIKORWA wa PDP-IMANZI
JEAN DAMASCENE MUNYAMPETA (Sé)

1...34567...9

archivesallahalwatanalmalik |
pk2012legislatives |
rectificador |
Unblog.fr | Créer un blog | Annuaire | Signaler un abus | thevoiceofpresidentielles
| legislative2012
| cournonpartisocialiste