Archive pour avril, 2012

IBIHUHA BYARANZE IKI CYUMWERU GISHIZE

IBIHUHA BYARANZE IKI CYUMWERU GISHIZE rumors11. Hari amakuru avuga ko impamvu ubuyobozi bw’amagereza mu Rwanda rwimuye umunyapolitiki Déogratias Mushayidi rukamuvana muri Gereza ya Kigali rukamujyana muri Gereza ya Mpanga. Icyo gikorwa ngo kigamije gutatanya imfungwa za politiki kubera ko ngo hari amakuru bari babonye avuga ko ngo hari abasirikare b’ingabo z’u Rwanda bashyigikiye Lt Gen Kayumba bashakaga gutera Gereza ya Kigali ngo batorokeshe imfungwa za politiki. Ngo umutekano wahise ukazwa ahantu hose!

2. Uruganda Inyange rwa FPR, ubu rufite amata menshi mu bubiko bwarwo yabuze abaguzi kubera ko ahenze. None ngo abahanga mu gutekinika ba FPR bize imitwe yo gukora igikorwa cyo kujya batanga amata ahabaye ibikorwa n’amanama ya Leta n’abaturage ngo mu rwego rwo kuzamura imirire myiza y’abaturage. Amata atanzwe n’Inyange yishyurwa na Ministère y’Ubuhinzi na Ministère y’ubuzima.umug6-bf546-300x169

3. Nyuma y’aho Charles Taylor ahamijwe icyaha n’urukiko mpuzamahanga mpanabyaha (CPI/ICC), ubu Perezida Kagame arahangayitse cyane kuko hari n’amakuru avuga ko Gen Bosco Ntaganda kubera ko asumbirijwe arashaka kwishyikiriza urukiko Mpuzamahanga Mpanabyaha (CPI/ICC) ingabo za Kagame zitaramushyikira ngo zimwice atazashinja Kagame mu rukiko.

4. Inka zitangwa na Leta muri gahunda ya Gira inka ni imfashanyo zatanzwe n’amahanga, amafaranga yatanzwe agura inka mu ma farms y’abasirikare bakuru zigahabwa abaturage, badashobora kugira icyo bazikoraho badasabye uruhushya mbese bisa nk’aho Leta yazibaragije! Hari abavuga ngo ubuhake umwami Rudahigwa yaciye bwaragarutse! Amata akagurishwa mu ruganda Inyange rwa FPR ku giciro cyo hasi!

Marc Matabaro
Rwiza News

Rwanda:49% by’abanyarwanda bemeza ko nta jambo bafite mu gihugu.

Rwanda:49% by'abanyarwanda bemeza ko nta jambo bafite mu gihugu. ParliamentBuilding

Abanyarwanda benshi binubira ko batagira uruhare rusesuye mu itorwa ry'abadepite

Ubwo icyegeranyo cyakozwe n’ikigo cy’ubushakashatsi bugamije amahoro cyamurikwaga, byabonetse ko hari ibyemezo abaturage bashyikirizwa batazi aho byafatiwe.

Muri ubu bushakashatsi kandi ngo abaturage binubiyeko ko abategetsi batabegera ngo bagaragaze ibyo bifuza ko igihugu kibakorera .

Iki cyegeranyo cyakozwe mu gihe cy’umwaka wose kibanda ku bantu 1200 , 49% muri bo bavuga ko inzego zibayobora zibaturaho ibyemezo byamaze gufatwa kandi ari bo bagomba kubyubahiriza .

Ikindi kibazo abaturage bavuga ko batishimiye ni amatora nk’ay’abadepite bemeza ko batagiramo uruhare rusesuye kandi ntibagire n’ijambo ku batowe muri iyi myanya mu gihe baba batishimye imikorere yabo.

Mu itorwa ry’amategeko na ho ngo hari aho abaturage batabazwa ibitekerezo byabo. Urugero ni Itegeko ryakuruye impaka ndende rijyanye no gukuramo inda . Ubu rimaze gutorwa mu mutwe w’abadepite ndetse no muri Sénat rikaba rishigaje gusa umukono w’umukuru w’igihugu kugira ngo ryemezwe .

Icyagaragajwe n’abashakashatsi ni uko hagomba kubaho umuco w’impaka kabone n’iyo zaba zinenga ibikorwa n’abategetsi.

Nubwo buri tegeko ritamurikirwa abaturage mbere yo kwemezwa, izi mpuguke zisanga bagomba guhabwa ijambo rikomeye cyane cyane ku mategeko arebana n’ubuzima bw’umuturage bwa buri munsi. Muri ayo baravuga nk’ajyanye n’isaranganya ry’amasambu, gahunda zo gutuzwa mu midugudu ndetse n’umugambi wo guhitamo imbuto zihingwa mu karere runaka .

Source: BBC Gahuza-Miryango

Maître Bernard Ntaganda amaze gukatirwa imyaka 4 n’urukiko rukuru!

Maître Bernard Ntaganda amaze gukatirwa imyaka 4 n'urukiko rukuru! Bernard-Ntaganda4

Maître Ntaganda Bernard, Umukuru wa PS IMBERAKURI

Inkuru dukesha urubuga igihe.com, aravuga ko Urukiko Rukuru rwanze ubujurire bwa Maître Ntanganda Bernard ku bw’ibyaha yaregwaga birimo kuvutsa igihugu umudendezo n’abo bafatanyije, gukora imyigaragambyo mu buryo bunyuranyije n’amategeko. Urukiko Rukuru rwamukatiye igifungo cy’imyaka ine n’ihazabu y’ibihumbi ijana by’amafaranga y’u Rwanda.

Maître Ntaganda ntabwo yabonetse mu rukiko kuri uyu wa Gatanu ubwo yakatirwaga igifungo cy’imyaka ine.

Maître Ntaganda yafashwe tariki 24 Kamena 2010. Icyo gihe polisi ikaba yaratangaje ko yamuhamagaje kuko akekwaho amacakubiri no kuba afite uruhare mu gikorwa cy’ubwicanyi cyari kigiye gukorerwa Christine Mukabunani, kuri ubu uwo Mukabunani akaba ayoboye igice cya PS-Imberakuri cyagerageje kubohoza iryo shyaka ngo kirishyire mu kwaha kwa FPR-Inkotanyi ndetse n’uwo mutegarugori akagirwa umwe mu bakuru ba Forum y’abashyaka ya politiki akorera mu Rwanda.

Ku munsi Maître Ntaganda yafatiweho nibwo habaye imyigaragambyo y’abayoboke be bashakaga ko iryo shyaka ryagira abarihagararira muri Komisiyo y’Amatora. Bamwe muri bo bakaba baravuze ko yafashwe kubera iyo myigaragambyo, mu gihe polisi yo yavuze ko byabaye impurirane.

Ibibera mu Rwanda ni agahomamunwa koko! Taliki 25 Mata 2012 ubushinjacyaha buti:” Madame Victoire Ingabire umukuru w’ishyaka FDU-Inkingi ritavuga rumwe na Leta y’u Rwanda yemeye ibyaha asaba imbabazi Perezida Kagame mu ibaruwa ngo yanditse taliki 16 Ugushyingo 2011!”

Déogratias Mushayidi umukuru w’ishyaka PDP Imanzi naryo ritavuga rumwe na Leta y’u Rwanda ajugunywe muri Gereza ya Mpanga taliki 26 Mata 2012!

Ibi bikaba biri muri gahunda ya leta yo gucecekesha abatavugarumwe n’ubutegetsi bwa Perezida Kagame nk’uko ahora abishinjwa n’abanyarwanda n’abanyamahanga. Ibi bikaba ari ibyo kwamaganwa n’isi yose kandi umunyagitugu akwiye guhagarikwa nk’uko byagenze mu bindi bihugu.
Marc Matabaro
Rwiza News

UMUVUGIZI WA FDLR YAGANIRIYE NA RADIO IJWI RYA RUBANDA.

UMUVUGIZI WA FDLR YAGANIRIYE NA RADIO IJWI RYA RUBANDA. Congo45

Bamwe mu basirikare ba FDLR muri Congo

Umuvugizi w’Urugaga Ruharanira Démocratie no Kubohoza u Rwanda (FDLR), Bwana La Forge Fils Bazeye yagiranye ikiganiro n’umunyamakuru Simeon Musengimana wa Radio Ijwi rya Rubanda.

Bwana La Forge Fils Bazeye yasobanuye amavu n’amavuko ya FDLR, asobanura ko FDLR yabayeho kubera ko Ingabo za Leta y’u Rwanda iyobowe na Kagame zateye mu nkambi zo muri Congo (ikitwa Zaïre) izo ngabo zikica impunzi z’abanyarwanda bo mu bwoko bw’abahutu bari muri izo nkambi.

Akomeza avuga ko FDLR yavutse kugira ngo irinde izo mpunzi ziri ku butaka bwa Congo ngo zireke kwicwa. Ariko avuga ko Leta ya Perezida Kagame nikomeza kunangira ikanga kugirana imishyikirano n’abanyarwanda bayirwanya bizaba ngombwa ko FDLR ikoresha intwaro kugira ngo ihirike iyo Leta y’igitugu.

Yemeza kandi ko Ingabo z’u Rwanda zitigeze ziva muri Congo ahubwo zihindura imyenda zambara gusa zikurikije imitwe y’abakongomani zifatanije nayo, nka AFDL, RCD, CNDP none ubu ngo zisigaye zambara imyenda y’ingabo za Congo (FARDC) mu bikorwa byazo byo gusahura Congo, guteza umutekano mucye no guhiga impunzi z’abahutu.

Yabajijwe impamvu hari abasirikare ba FDLR bakomeza gutahuka mu Rwanda. Bwana Laforge Bazeye yasobanuye ko FDLR abayigize ari abakorerabushake ko ntawe batangira ubaye ikigwari yigendera nta kibazo.

Abajijwe abayoboke FDLR ifite uko bangana, yavuze ko FDLR ifite abayoboke benshi haba mu Rwanda ndetse no mu mahanga.

Ku bujyanye n’amashyaka ya Politiki arwanya ubutegetsi bw’u Rwanda baba bakorana, yasubije ko FDLR iyashyigikiye mu bikorwa akora ariko yanze gutangaza niba hari ayo FDLR ikorana nayo n’ayariyo.

Ku kibazo cy’ahari icyicaro cya FDLR yavuze ko FDLR ifite icyicaro muri Congo ariko adashobora gutangaza ahariho kubera ko ari ibanga rya gisirikare.

Yavuze ko umuyobozi w’ingabo za FDLR ari Général Major Mupenzi akaba ngo yarahoze mu Nzirabwoba (hari amakuru avuga ko iryo zina rikoreshwa na Général Major I.G. Sylvestre Mudacumura).

Amakuru avuga ko FDLR yaba ikora ibyaha bijyanye no guhotera abaturage ba Congo birimo ubwicanyi, yasubije ko ibyo bikorwa by’urugomo bikorwa n’ingabo za Leta y’u Rwanda ndetse n’indi mitwe y’abarwanyi akenshi bikitirirwa FDLR kuko ngo hari imitwe imwe igizwe n’abavuga ikinyarwanda. Yatanze urugero rwa Gen Bosco Ntaganda ngo ukorera u Rwanda mu bikorwa by’urugomo, avuga ko ngo agiye gufatwa ko kandi ashobora kuzavamo abamukoresha aribo Leta y’u Rwanda.

Umuvugizi wa FDLR yavuze kandi ko Umutwe abereye umuvugizi ufite intego y’uko mu Rwanda habaho ubutegetsi bugendera kuri demokarasi, bwubaha abaturage bose kandi bukurikiza amategeko.

Ku kibazo cy’uko ngo FPR nayo yaje ikoresha intwaro ivuga ko izanye demokarasi ariko nyuma yaho igakora ibitandukanye n’ibyo yavuze. La Forge Bazeye yasobanuye ko muri FDLR bo baramutse bafashe ubutegetsi baha uburenganzira abanyarwanda bose kandi bakareka demokarasi ikaganza mu Rwanda.

Marc Matabaro

Rwiza News

”Kagame arashaka ko Gen Ntaganda yicwa kugirango atazamushinja”: Dr Rudasingwa

”Kagame arashaka ko Gen Ntaganda yicwa kugirango atazamushinja”: Dr Rudasingwa 577429_336076749786567_100001527334406_847265_527293998_nUmuhuzabikorwa w’Ihuriro Nyarwanda RNC, Dr Théogène Rudasingwa yagiranye ikiganiro na Radio Itahuka ijwi ry’Ihuriro Nyarwanda RNC. Icyo kiganiro yagitanze ageze muri Amerika nyuma y’urugendo yari amazemo ukwezi n’igice mu bihugu by’u Burayi nk’u Bubiligi, u Bufaransa, Danmark, Sweden, Luxembourg..

Yabwiye umunyamakuru wa Radio Itahuka muri make uko urugendo rwagenze ndetse baganira no ku bindi bibazo byugarije u Rwanda n’abanyarwanda.

Nk’uko Dr Rudasingwa abivuga ngo urwo urugendo rwari rugamije:
-Gusura abayoboke b’Ihuriro Nyarwanda RNC mu Burayi
-Gukangurira abanyarwanda kujya muri RNC no kwitabira ibikorwa byayo.
-Kureba ibikorwa bya RNC bimaze umwaka n’igice bikorwa no kumenyana n’abayobozi b’Ihuriro mu Burayi
-Ibikorwa bya Diplomasi, mu bihugu bitandukanye by’u Burayi
-Gushimangira umubano n’abandi bafatanije na RNC nka FDU-Inkingi, kurebera hamwe ibikorwa by’ubufatanye
-Guha ubuhamya Umucamanza w’Umufaransa Trévidic ukora iperereza ku ihanurwa ry’indege ya Perezida Habyalimana.
-Amahugurwa ku bayoboke b’Ihuriro Nyarwanda bari baturutse mu bihugu bitandukanye by’u Burayi, yabereye mu gihugu cy’u Bubiligii.
-Habaye n’umuhango wo kwibuka mu gihugu cy’u Bubiligi wari wateguwe n’imitwe ya politiki FDU-Inkingi na RNC, wahuje abanyarwanda b’amoko yose, abahutu n’abatutsi bibukira hamwe ababo baguye mu bihe bibi igihugu cyacu cyaciyemo.

Yagize icyo avuga ku iva mu rubanza ndetse uburyo ubushinjacyaha busabira Madame Ingabire igihano cyo gufungwa burundu. Yavuze ko ari ibintu bibabaje kandi biteye isoni. Ko ariko iryo terabwoba ritazabuza abanyarwanda gukomeza mu nzira biyemeje yo guhindura ibintu, hakajyaho ubutegetsi bugendera ku mategeko kandi abanyarwanda bose bibonamo.

Dr Théogène Rudasingwa yagize icyo abwira abari muri FPR no mu gisirikare cy’u Rwanda, yababwiye ko igihe ari iki cyo gufata gahunda nzima bakitandukanya n’ubutegetsi bubi. Ikintu cyamutangaje cyane n’ukuntu mu minsi ishize abasirikare bazamuwe mu ntera hafi 100% baturuka mu bwoko bumwe kandi ubwo bwoko akaba aribwo nyamuke mu gihugu. Ngo abo basirikare bagombye kubona ngo ko birimo risque nini cyane kuko ni uburyo Kagame akoresha bwo kubareshya akabashyira mu byaha bazabazwa Kagame atagihari ku buryo ahubwo n’abatutsi bose bashobora kuzabazwa ibyo bikorwa bibi bya Kagame.

Abona abasirikare b’abanyarwanda bagombye kujya ku ruhande rw’abashaka ko ibintu bihinduka bagahitamo neza bakajya mu nzira yo gukuraho ubutegetsi bw’igitugu hagaharanirwa ko hajyaho inzego abanyarwanda bose bibonamo.

Ikindi ngo abona kibabaje ngo n’ukuntu abahutu ngo biswe generation Ngwino Urebe, akibaza ukuntu umuntu ahamagarwa ngo aze kureba ibintu bye. Yabigereranije n’ukuntu umuntu yahamagara umwana ngo amuratire ibintu by’ababyeyi be.
Icyo kiganiro cyakomeje mu rurimi rw’icyongereza, aho umunyamakuru Jennifer Fierberg yaganiriye na Dr Théogène Rudasingwa, mbese byari nko gusubiramo ibibazo Dr Rudasingwa yari yavuze mu kinyarwanda.

Dr Rudasingwa yatangaje kandi ko Gen Bosco Ntaganda ari igikoresho cya Leta ya Kagame, nk’uko Gen Nkunda nawe yari cyo. Kagame akaba yarabakoreshaga mu gusahura Congo no guteza umutekano muke mu burasirazuba bwa Congo. Kuri Dr Rudasingwa ikibazo cya Gen Ntaganda gishobora kugira ingaruka mbi kuri Leta ya Kagame, niyo mpamvu Dr Rudasingwa abona ngo nk’umuntu uzi Kagame neza, ngo ubu harimo gushakishwa uburyo Gen Ntaganda yakwicwa ngo atazagera imbere y’urukiko agashinja Shebuja Kagame. Kandi ibyo bishobora gukorwa vuba kubera igitutu cy’amahanga.

Ku mubano w’u Rwanda na Uganda wongeye kuburwa, Dr Rudasingwa asanga u Rwanda ntacyo rwapfaga na Uganda kigaragara uretse ko hari ikibazo cyo guhatanira kuba igihangange mu karere hagati ya Kagame na Museveni.

Ku kibazo cy’uko abona izamurwa mu ntera ry’abasirikare bakuru, yasubije ko bitangaje kubona u Rwanda nk’igihugu gitoya gifite abasirikare bakuru bo mu rwego rwa jenerali benshi batangana n’akazi gahari ko gukorwa, akabona ari uburyo bwo gushaka gushimisha abasirikare kuko Perezida Kagame azi neza ko adakunzwe mu gisirikare. Kandi ngo mu kuzamura abo basirikare mu ntera ntabwo bibuza kagame kubasuzugura no kubakoresha uko yishakiye nk’aho ari ibikoresho. Ntabwo yahagarariye aho kuko yagaragaje impungenge z’ukuntu Republican Guard igenda iba igisirikare mu kindi, ku buryo imikorere yayo isa nk’aho ari igisirikare cya Kagame bwite.

Ku kibazo cy’uko abona ibivugwa n’abahutu ko bakorewe genocide muri Congo no mu Rwanda, yasubije ko atari we wakwemeza ko ari genocide cyangwa atari yo, ariko avuga ko ibyaha byose byibasira inyokomuntu uko byaba byitwa kose ari bibi ari igisebo ku banyarwanda bose ahubwo abanyarwanda bose bagombye kumva ko bagize uruhare mu kugiranira nabi icyangombwa bagombye guharanira amahoro n’ubwumvikane ngo ibyabaye ntibizongere kubaho ukundi mu Rwanda.

Ibijyanye n’uko Perezida Kagame yaba akoresha kohereza abasirikare mu butumwa bw’amahoro mu bihugu bitandukanye kw’isi nk’uburyo bwo gushyira igitutu ku muryango mpuzamahanga. Dr Rudasingwa yasubije ko ari byo, atanga urugero rw’ukuntu muri 2010, igihe hasohokaga Mapping report ku bwicanyi bwakozwe n’ingabo za Kagame muri Congo. Kagame yashize iterabwoba ku muryango w’abibumbye ko agiye gukura ingabo z’u Rwanda mu butumwa b’amahoro muri Darfur, ku buryo umunyamabanga Mukuru w’umuryango w’abibumbye Ban ki-moon yagombye kujya i Kigali kwinginga Kagame. Ibi ngo bikaba bitera ingaruka nini, kuko hari ibimenyetso byinshi n’ubuhamya butabarika byerekana ibibi bibera muri Congo kandi Kagame abifitemo uruhare ariko amahanga arabyirengagiza kubera gutinya ko Kagame yakura ingabo z’u Rwanda mu butumwa bwa ONU, n’ikimenyimenyi ngo nyuma y’imyaka 2 itangajwe Mapping report isa nk’aho igiye kwibagirana.

Dr Rudasingwa yanavuze ko Leta ya Kagame ifite inyungu mu iterwa ry’ibisasu bya Grenade kugira ngo ibone ibyo irega abatavuga rumwe nayo no kubangisha abanyarwanda.

Kuri Dr Rudasingwa arasanga niba Leta y’u Rwanda ikomeje kunangira ikanga gukemura ibibazo by’abanyarwanda, bishobora kuganisha ku mvururu zatuma amaraso yongera kumeneka mu Rwanda no mu karere ndetse natahakana ko hashobora kuba na genocide. Agasaba amahanga n’abo bireba bose ko bakora uko bashoboye hakabaho amahinduka mu mahoro.
Mushobora kumva icyo kiganiro hao hasi:

http://www.blogtalkradio.com/radioitahuka/2012/04/27/radio-itahuka-ijwi-ryihuriro-nyarwanda-1

Marc Matabaro

Rwiza News

Niba Kagame ari umubyeyi yagombye kwibuka ko na Ingabire nawe ari umubyeyi

 

Niba Kagame ari umubyeyi yagombye kwibuka ko na Ingabire nawe ari umubyeyi Victoires-family-Lin-Muyizere-Raissa-Ujeneza-Victoire-Ingabire-Umuhoza-Rist-Shimwa-lil-bro-Remy-Ndizeye-NiyigenaAriko rwose Paul Kagame wakwibutse ko nawe uri umuntu ukora amakosa akanakora ibyiza! Niba Ingabire yaravuze ibibi ukora si ukuvuga ko akwanga ahubwo ashaka ko byakosorwa. Ubu koko uramufunze ubuzima bwe bwose! Harya wowe uzamara imyaka ingahe kuri iyi si? Nibyo Ingabire ni umuhutukazi ukaba umututsi ariko mwese muri abanyarwanda mukaba n’ababyeyi… Reka gukora nka Sinabyaye kuko wowe uzagenda uwo wabyaye asigare.

Ese urwo rubyaro rwanyu (Ingabire and Kagame) ntiruzahura? Koko ubona utabaho utari president? Harya wari umaze imyaka ingahe utari president? Ntiwaryaga ukaryama? Ese ntiwabonye ko Habyarimana wagaragazaga ubushake bucye ngo muve mu buhungiro yapfuye maze wowe wiviriye mu buhungiro ukaba uri president!

N’iki kikwemeza ko umwana wa Ingabire cyangwa undi bafitanye isano atazaba President w’u Rwanda cyangwa kimwe mu bihugu babamo(Harya Obama niba hari abagiriye ise umubyara nabi muri Kenya bifashe bate bumvise umwana we yabaye president of USA???!!!) Reka kwerekana ubugome bukabije kuko n’utarize amategeko muri za Kaminuza ahita abona ko uwo mutegarugori mwamuhimbiye ibyaha kuko yatinyutse kuza ku butaka bw’u Rwanda kwerekana amakosa ukora… Nibyo hari n’ibyiza ukora ugomba gushimirwa ariko ntukishimire ko bagusingiza ngo wakoze ibyiza gusa kandi uri umuntu ukora n’amakosa.

Ihangane urarame ube President w’abanyarwanda bose ureke kwereka abatutsi ko udahari bashira, abahutu ko batazagira amahoro uhari. Ubu koko wumva umutimanama wawe ukubwira ko uri intungane nta muntu n’umwe wigeze wica? Kuki wirirwa wita abandi abicanyi, maze ugatinya ndetse ukanatuka abashaka kukuburanisha ibyaha by’ubwicanyi bikuvugwaho? Njye numva ko niba uri umwere nka president wabyerekana ukirengagiza izo immunity uhabwa n’amategeko ukijyana imbere y’izo nkiko zigushaka ukisobanura cyangwa se wowe urege mu nkiko abo bakwanduriza isura bakwita umwicanyi izo nkiko zikureke koko nuba umwere, njye nemera ko uzaba uri the right person and president wakunga umuryango nyarwanda, otherwise ntwacira urubanza umwicanyi mugenzi wawe cyangwa ngo umukosore amakosa yakoze kandi wenda uyamurusha… Baravuga ngo umunnyi azira undi! So mbere yo kwita abandi abicanyi banza werekane ko wowe nta muntu n’umwe wishe.

KagameFamilySaveRwa-1Erekana ubutwari ubyerekane cyangwa se nibura uvuge ko uzabyerekana gusa numva iki ari igihe cyo kubikora aho kugira ngo isi yose ihore ivuga ngo uri umwicanyi cyangwa ejo uzavemo umwuka usize urwo rubanza ku mutwe w’urubyaro rwawe… Bijye bivugwa ngo dore umwana wa wa mwicanyi(Bitekerezeho Nyakubahwa). Rwose ntawanze ko uba president(buri wese arabyemerewe)ahubwo twanga ko utumva amakosa ariho ngo uyakosore… Koko iby’i Rwanda bizahore ari gatebe gatoki! Waretse gusubira mu makosa abakubanjirije bakoze. Koko ingabo z’igihugu ziyoborwe n’abantu bava mu bwoko bumwe?

I mean ur generals ntaho bitandukaniye na Habyarimana’s Colonels… Ihangane uhe ikizere abanyarwanda bose bibone mu nzego zose, wikwishisha bamwe ngo utoneshe abandi burya twese turi bamwe nawe warabyiboneye ko abo wita inshuti zawe bose mutavuga rumwe i.e. Lt Gen Kayumba and others… So menya ko abahutu bose batakwanga kandi n’abatutsi bose batagukunda ahubwo wowe kora akazi kawe nka president wa bose abagukunda n’abakwanga aho kuba igihangange… Kuri iyi si ntibishoboka umuntu ni nk’undi… Uravuka ukanapfa, nk’uko utigeze umenya igihe uzavukira nuzakubyara ntuzanamenya igihe uzapfira n’ikizakwica, so gerageza utazagenda witwa ruvumwa. Mugenzi wawe president muri Malawi umutima warahagaze arapfa kandi nta n’ukwezi kwari gushize avuze ko adashobora kwegura akava ku butegetsi nk’uko yari yabisabwe n’abaturage be benshi. Wiboneye ko yasimbuwe n’uwo yari yarahaye akato. Igishimishije n’uko uwo yahaye akato ariwe Mrs Joyce Banda yabyirengagije agashyira ku ruhande amakosa uwo asimbuye yakoze maze agakurikiza amategeko n’ubumuntu Pr Bingu wa Mutharika agaherekezwa akanashyingurwa mu cyubahiro akwiriye. Wumvise se uwo mutegarugori bimubuza kuba ari president of Malawi?

Koko nkuriya mupfakazi wa Habyarimana niba ari nawe wiyiciye umugabo we ntiwareka gukomeza kumujujubya umubuza amahoro aho ari mu mahanga ko nawe ari umubyeyi yari na First lady nk’uko Janet wawe ameze ubu, ese uzi uzasiga Janet n’abana bawe hehe igihe uzaba utakiriho? N’ubwo Habyarimana yaba yarakugiriye nabi mu buzima bwawe byirengagize umuhe icyubahiro cy’uko yabaye president of Rwanda over 20 years uhumurize umuryango we kuko hari abanyarwanda benshi abahutu n’abatutsi babaye kandi bakishimira bimwe mu bikorwa bye. Yewe na Kayibanda ukamukorera ibyo ndetse n’umwami nk’umuntu ufite icyo avuze ku muryango Nyarwanda hakigwa uko yahabwa icyubahiro cye bijyanye n’igihe tugezemo n’uko ubuzima bw’igihugu bwifashe.

Ibyo bikunze byajyana n’ihumure ku banyarwanda bose maze guca ubuhunzi uvuga bikikora nta n’uwo ugiye guhamagara. Rwose president twe tubura iki ngo dukore nk’aba Malawi baretse kurwanira ubutegetsi bakumva ko igihugu kibuze umuyoboze maze bakareka kumena amaraso bakumvikana kandi bafite byinshi bibatandukanya mu moko yabo anyuranye. Erekana impuhwe n’ubumuntu ntakizatuma udakomeza kuba Maj Gen, President, Army high commander.

Byavanaho gatebe gatoki yokamye igihugu cyacu kuko tutabeshye ubu mu Rwanda ubwoko bw’abahutu ntibwiyumva mu byiza igihugu gifite bwibona ku ruhande nk’uko abatutsi mwari mu meze ku bwa Kayibanda na Habyarimana…Kuki wasimbuje ikosa irindi?

Ubu hazabeho undi Kayibanda cg Habyarimana kugirango abahutu bibone mu gihugu maze abatutsi bongere bibone ku ruhande???? Koko nibyo ushaka??? Nawe reba icyakorwa iyo gatebe gatoki icike, kandi nzi neza ko twese abanyarwanda twazajya tukuvuga ibigwi n’abagukomokaho bagasigarana uwo murage. Ndagira ngo ndangize nkwisabira kureka Ingabire akisanzura kuko nta wundi wahindura ibiri mu gihugu atari umuyobozi wacyo. Imana ikurinde.

Anonyme

AMASHYAKA PS-IMBERAKURI na PDP-IMANZI ARATABARIZA ABAYOBOZI BAYO BA BWANA NTAGANDA BERNARD NA MUSHAYIDI DEOGRATIAS.

Amakuru aturuka muri Gereza nkuru ya Kigali izwi kw’izina rya 1930 ateye agahinda aravuga ko abayobozi ba amashyaka PS-IMBERAKURI na PDP-IMANZI bari gutotezwa no gukubitwa.

AMASHYAKA PS-IMBERAKURI na PDP-IMANZI ARATABARIZA ABAYOBOZI BAYO BA BWANA NTAGANDA BERNARD NA MUSHAYIDI DEOGRATIAS.  13309946413-1-ntaganda-llast-ned-1Ubuyobozi bukuru bwa gereza bufatabyije na CID na DMI bwazindukiye mu cyumba abayobozi bombi Me Ntaganda Bernard na Mushayidi Déogratias bacumbikiwemo, babasaba kubakurikira n’ibintu byabo byose, biboneka ko bashaka kubimura.

Babajije aho bashaka kubajyana, nta gisubizo bahawe ahubwo bahereyeko bashyirwaho amapingu, batangira gukubitwa, gucunaguzwa no gutukwa.Kugeza magingo aya ibyo bikorwa by’urukozasoni biracyakomeza, imodoka bashakaga kubajyanamo n’ubu ziracyategereje.

Amashyaka PS-IMBERAKURI na PDP-IMANZI arasaba gouvernement ya FPR kureka gutoteza abayobozi bayo kimwe n’abandi banyapolitike ifungiye ibitekerezo byabo.

Amashyaka PS-IMBERAKURI na PDP-IMANZI arasaba abanyarwanda bose kwamagana iyi mikorere ya kinyamaswa yamaze kuba umuco mu Rwanda aho FPR yahinduye abanyarwanda abacakara ikaba ibafata nk’amatungo igomba kuragira uko ishatse.

Amashyaka PS-IMBERAKURI na PDP-IMANZI arasaba ko abayobozi bayo, Bwana Ntaganda Bernard na Mushayidi Déogratias barekerwa aho bacumbikiwe muri gereza ya Kigali kandi ubuyobozi bwa gereza, CID na DMI bukabaha amahoro dore uko uburyo bafunzwemo bwonyine bubabaje, ntibagerekeho kubakubita , kubacunaguza no kubatoteza muri rusange.

Bikorewe i Buruseli tariki ya 26 mata 2012.

ALEXIS BAKUNZIBAKE (Sé)
VISI-PEREZIDA WA PS-IMBERAKURI
GERARD KARANGWA SEMUSHI (Sé)
VISI-PEREZIDA wa PDP-IMANZI

UMUTI W’URUKUNDO, UBWOROHERANE NO KWANGA AKARENGANE UGOMBA KUNYOBWA NA BURI MUNYARWANDA WESE NTAWUSIGAYE INYUMA

UMUTI W’URUKUNDO, UBWOROHERANE NO KWANGA AKARENGANE UGOMBA KUNYOBWA NA BURI MUNYARWANDA WESE NTAWUSIGAYE INYUMA homepage

 

 

 

 

 

 

 

 

 

 

 

 

Maze kubona impaka hagati ya Padiri Thomas Nahimana na Marc Matabaro numvise ntaceceka nk’undi munyarwanda uwo ari we wese ukunda igihugu cye kandi akacyifuriza ishya n’ihirwe. Nkaba ikiganiro-mpaka mwagize nakivugaho ibi bikurikira:

1.KU BIREBANA NA LT GEN KAYUMBA NYAMWASA

Mu rubanza rwa nyirarureshwa rwabaye Lt Gen Kayumba Nyamwasa yarahunze, n’ubwo ntibuka neza niba koko ku bihano yakatiwe harimo no kwamburwa amapeti, ariko reka tubifate gutyo!

Padiri Thomas Nahimana aragira ati:<<IGIHUGU CYAGUHAYE AMAPETI IYO KIYAKWAMBUYE URUBANZA RURI HE?>>

Aha nakwibaza niba Padiri Nahimana yaravugaga nk’umuntu utemera imikorere y’ubutegetsi bw’i Kigali cyangwa se umuvugizi w’urukiko rwa gisirikare! Impamvu ni izi:

-None se Padiri Nahimana niba atemera leta y’i Kigali ni gute yaha agaciro ibyemezo byafashwe na za ngirwa nkiko za gisirikare? Niba atari urwango yisanganiwe afitiye Lt Gen Nyamwasa?

-Padiri Nahimana ntaduha impamvu zifatika abona Lt Gen Nyamwasa yaragombaga kwamburwa amapeti!

-Ko Padiri Nahimana ubwe atubwira ko Nyamwasa yahawe amapeti n’igihugu yarangiza ati:Nyamwasa na Kagame ibyo bapfa ntibireba abanyarwanda (uku ni nako intore za FPR zigenda zibwira abayoboke ba RNC), none se kuri we Kagame n’igihugu bisobanura ikintu kimwe cyangwa kimwe kingana n’ikindi? Ubu leta kuba ariyo yahambye Mbonyumutwa ikanongera ikamutaburura tubifate ko nta kibazo biteye?

-Niba koko Padiri Nahimana yemera ko ubutegetsi bwagaye imikorere ya Nyamwasa yo kurimbura imbaga y’abahutu maze bukamwambura amapeti, ubwo Padiri Nahimana yaba apfa iki n’ubwo butegetsi burengera abahutu avuga ko Nyamwasa yarimbaguye abasigaye akaba ashaka ko bamwoma inyuma?

N’ubwo Nyamwasa atariwe Messiah waje kujyana abanyarwanda mu gihugu cy’isezerano, ntabwo twakwirengagiza uruhare yagira mu guhindura imiyoborere ya Paul Kagame n’abambari be mu Rwanda.

Impamvu ni nyinshi aha twavuga nko kuba yarakoranye na Kagame bya hafi, igihe yamaze mu gisirikare cya FPR/INKOTANYI n’ibindi. Ibi byafasha cyane opposition mu rwego rwo gukora gahunda inoze yo gukura FPR ku butegetsi. Nta muntu n’umwe uyobewe ko byoroha cyane gukuraho ubutegetsi iyo uzi neza imikorere yabwo n’inkingi z’ingenzi bushingiyeho. Umuganda yatanga rero muri urwo rwego ni ingirakamaro.

Nyamwasa yavuze kenshi ko mu bintu apfa na Kagame nta rubibi rubamo ndetse ko batanasangiye umugore!!! Aha sinzi ururimi agomba kuzabivugamo kugirango byumvikane neza, ntawumuhimbiye ibindi.

Padiri Nahimana ageraho agashyiramo amakabyankuru menshi agira ati: Nyamwasa na Kagame barakuranye, basangira ibibi n’ibyiza…

Iki ni ikinyoma cyambaye ubusa! Ntabwo rwose bakuranye yewe n’ibyo basangiye babisangiye ari bakuru ari uko bahuriye mu ntambara yo mu Rwanda.

Ibyo ariko tutabitinzeho, tukemera ibyo Padiri Nahimana yanditse wakwibaza uti: Niba koko barakuranye bagasangira akabisi n’agahiye ariko Kagame akabirengaho agakurikirana mushuti we Nyamwasa kugeza aho ageragereje kumuhitanira muri Afrika y’epfo, ndetse akaba yarafungiye umugore we n’abana muri ambassade, Imana igakinga akaboko, ibyo byaba bitakwereka neza koko uwo Kagame ari we?

None se baba bahuje umugambi wo kurimbura no guhoza abanyarwanda ku ngoyi maze akamuhigira hasi kubura hejuru kariya kageni? Ibi ni ibimenyetso simusiga byerekana ko hari itandukaniro ndetse rinini ku myumvire y’aba bagabo bombi, kuko nta kuntu Kagame yaba atandukanijwe na Nyamwasa n’akantu gato ngo arangize abuzwe amahwemo n’uko Nyamwasa akirimo umwuka.

N’ubwo Marc Matabaro nkurikije ibyo yavuze nta gusingiza ubutwari n’ububasha butagira ingano bya Nyamwasa mbonamo, ahubwo yagerageje gusobanura uko we abona uruhare rwa Nyamwasa muri ibi bihe byo kugobotora abanyarwanda ingoyi n’igitugu bya Kagame n’abambari be.

Padiri Nahimana yahise rero ashyira ya turufu ye isanzwe yo gukoresha UBUHUTU mu nyandiko nyinshi agenda agaragaza yahise yivamo ati: ABAHUTU BIHEBYE KUGEZA UBWO BUMVA KO NTA WUNDI WABATABARA URETSE WA WUNDI WABARASIRAGA KUBAMARA…..Aha nabaza Padiri Nahimana niba we yumva ko ikibazo u Rwanda rufite ubu ari akarengane k’abahutu?

Ese Padi mubona gukemura ikibazo cy’u Rwanda kigomba buri gihe gupimishwa impinyuzarukuta y’ubwoko? Ibyo muvuze rwose ni agasuzuguro gakabije ku bwoko bw’abahutu by’umwihariko nk’aho ari abantu batabona, mbega bapfuye bahagaze!

Kuba Padiri Nahimana ari umuhutu ntabwo bimuha uburenganzira bwo gushyira abahutu bose mu gatebo kamwe. Aha nkaba mbibonamo nko gutandukira gukabije. Abahutu bose ntibashobora kuba ba Kanyarengwe uziko bitashoboka ariko kuba atakiriho ngo yivugire ka tubyubahire icyo. Gusa iyo umuntu asesenguye neza inyandiko za Padiri Nahimana ubundi iyo avuze abanyarwanda kuri we aba ashatse kuvuga Abahutu, akirengagiza ko u Rwanda ari imbaga y’inyabutatu ko nta mahoro azaramba inyabutatu idafatanije.

2.KU BIJYANYE N’UKO NTA YINDI NZIRA ISHOBOKA YO GUKURA ABANYARWANDA KU NGOYI YA FPR URETSE INTAMBARA

-Aha turabyumvikanaho nanjye ku giti cyanjye intambara iyo urebye ibyayo usanga rwose itakagombye gukoreshwa kuko na none ni abanyarwanda bazayigwamo, irahenda, irasenya…kandi izo ngufu n’ubuzima byo kujya kwanika ku gasi twakabikoresheje mu kwiteza imbere. Ikindi ntikemura ibibazo bya politike ahubwo ibisubiza irudubi.

-Naho kuvuga ngo abasirikare bagomba guhezwa mu gushaka umuti w’ibibazo turimo aribo babiteye rugikubita jye ndumva arizo nzozi za ku manywa Padiri yakomojeho kare! Ubundi se hari umuntu uvuka ari umusirikare? Abasirikare ari abubu n’aba kera barwanye kubera impamvu za politike. Kuba umusirikare ntabwo byakabaye intandaro yo guhezwa mu gushakira hamwe umuti w’ikibazo kitwugarije.

None se Padi urabona wasiga abasirikare hanze y’umushyikirano w’abanyarwanda ukazakemura ikibazo gute? Iryo rwose ryaba ari ivangura kandi ari ryo ryatuzaniye kabutindi.

3.KO ABANYARWANDA TWESE TWAGIZE URUHARE MU BWICANYI BWABAYE MU RWANDA KU BURYO DUKWIYE KWICECEKERA NTIHAGIRE UTUNGA UNDI AGATOKI

Maze gusoma iki gika kiri mu nyandiko ya Padiri Nahimana, nasanze Padiri ayobya uburari cyane, arava ku Bahutu agasimbukira ku Banyarwanda yava ku Banyarwanda agasimbukira ku Bahutu kugeza ubu ayo magambo yombi ukuntu ayakoresha ni mu buryo bwo kujijisha kandi nk’umunyarwanda mba namaze kubona icyo ashaka kuvuga. Padiri Nahimana ntaragera aho abona ko u Rwanda ruheza abahutu ruzatubyarira kabutindi, kandi ko u Rwanda rukumira abatutsi ruzatuzanira amahano.

Nta yindi nzira rero uretse iyo gufatanya ari abahutu, ari abatutsi tukumva ko turi magirirane kandi ko twese dusangiye gupfa no gukira ni uko tukabana mu mahoro ntagucuranwa no kwikubira. Aha Abatwa bo twaba tubaretse kuko ntaho bahurira n’iyi vuruguvurugu.

Ka nibarize. Ese abo bicanyi ushaka gukumira ni bande? Ni Kayumba, Kagame, Kabiligi, Bagosora, Bizimungu, Ngirabatware, Mugenzi se!! Ko bose bakubwira ngo uwabonye nica umuntu nahaguruke akabura!!

Abanyarwanda bose si abicanyi pe ibyo ntawabihakana ariko uzafate igikombe cy’amazi y’ibiziba maze ugisuke mu ndobo y’amazi meza maze uzambwire ko ayo mazi akiri urubogobogo!

Ntabwo milion irenga y’abanyarwanda b’amoko yose yishwe n’aba ministre cyangwa ba Burugumestre 144 bari bagize amakomine y’u Rwanda sibyo se?

Abantu benshi bishwe na rubanda rwa giseseka ku misozi n’imirenge batuyeho bica abaturanyi babo b’abatutsi bataretse n’abahutu banze kwifatanya nabo, yemwe abahutu benshi bazize ko bashyigikiye Twagiramungu na AGATHA. Abo bantu bose wabona amagereza ubashyiramo? Wabona se abacamanza bazaca izo manza? Abagenzacyaha wabakurahe bazakora ayo madosiye yose?

Wibuke ko imanza z’ikivunge nk’izo nta bucamanza na hamwe kw’isi bwateguriwe akazi nk’ako. Kandi benshi bazira ubusa iyo ama dossiers yabo atizwe neza! Ese nk’aho bishe bakica n’iyonka bazashinjwa na nde muri ubwo butabera uvuga? Kuba se ntawe ubatunze agatoki bibagira abere?

Rwose Padiri bakugize ministre wa Justice ngo uhagararire izo manza uzi neza ko utabishobora, ahubwo nk’umunyamategeko tubwire neza ukuntu wakemura icyo kibazo. Aha rero niho Marc Matabaro agira ati ka dushake umuti wa politike ujyanye n’ubwiyunge nyabwo ukamuhindura umusazi kandi igisubizo utanga kitashoboka. Aha mu by’ukuri ikiguhangayikishije si uko utumva ko ariwo muti ahubwo ubabajwe ni uko n’abakoze ubwicanyi mu ngabo za FPR babyungukiramo, utitaye ko 99.99% bya genocide yakorewe abatutsi yakorwaga n’abahutu!

Ese umututsi yari kuyikorera bene wabo ate? Yizewe na nde kuri iyo bariyeri ko n’abahutu basaga n’abatutsi nabo bageraga aho bakabica! Keretse niba byarabaye i Cyangugu aho Padiri akomoka!

Nahamya ko nta mututsi wari ufite irangamuntu irimo TUTSI wagiye guhiga bene wabo! Nibyo hari abari barihutuye bashaka kwerekana ko ari interahamwe za nyazo ariko ari ubwoba bwo kwihishira, nabo ni mbarwa.

4.UBWOBA BW’UKO LEPROPHETE.FR YABA IGAMIJE GUSHYIGIKIRA UMUNYAPOLITIKE FAUSTIN TWAGIRAMUNGU

Aho rwose nta cyaha kirimo niba munamushyigikiye muzabivuge pe! Ubu se noneho abanyarwanda tugomba gusaba uruhushya rw’uwo dushyigikira? Twagiramungu si malayika wavuye mu ijuru ariko kandi twe tumubona nk’umunyapolitike uzobereye muri politike y’u RWANDA ku buryo ibintu avuze utapfa kubisuzugura n’ubwo utakwemeranya nawe.

Mu bantu bahutajwe na Genocide Twagiramungu ahubwo yari akwiye kujya ahabwa inkunga n’ikigega kirengera abacikacumu kuko yakiriye ku bwa Nyagasani ahubwo nakwibariza Padiri niba na Twagiramungu yariciwe na Nyamwasa da! Kuba mutuka n’abamwandagaza nyine bakagombye kwisubiraho uretse na politike ni umuntu usheshe akanguhe kandi wagize uruhare rugaragara mu gushakira icyagirira abanyarwanda twese akamaro nubwo bitamuhiriye niba nawe yari yagerageje.

Ku bantu bahoze mu butegetsi nabo ni abanyarwanda, yewe benshi muri bo ntibigeze baba n’abanyapolitike ariko kuba gusa umuntu yarakoze mu butegetsi bwatsinzwe ntibivuze ko agomba kuvutswa uburenganzira bwo kugira umuganda yatanga mu kubaka ejo hazaza heza twese twifuza.

Ku kabazo k’amatsiko nibarize Padiri nti: abo uvuga batsinzwe iyo baza gutsinda nk’uko byagenze bamaze gutsinda mu Kagera, bakarimbura abatutsi bose nk’uko byari byemejwe, FPR bayishushubikana kugeza mu Kaniga(Byumba), ubu muba mwandikira leprophete.fr mu bufaransa muhururiza abo batutsi barimbuwe cyangwa muba mujyana n’abandi muri stade Kamarampaka kuririmba umugambi ni umwe banyarwanda?

Bagira bati agahwa kari ku wundi karahandurika, gusa ka twese duharanire ubumwe n’urukundo mu banyarwanda abahemutse tubigishe tubereke urukundo maze tubabere urumuri rwirukana wa mwijima mu mitima yabo, ni uko umucyo usakare muri bene Kanyarwanda ntawe turengeje urugo.

Padiri Nahimana rwose wagize uti umwanzi ni umwe: NI ABAGIZE AGATSIKO KARENGANYA ABANYARWANDA, ABAKAGIZE BISUBIYEHO, BAGACA UKUBIRI N’INGESO Z’UBWICANYI, ITERABWOBA NO KWIKUBIRA IBYIZA BY’IGIHUGU… TWABANA MU MAHORO.

Ariko noneho ukarenga uti: Kayumba Nyamwasa na bagenzi be yewe n’abahoze ku butegetsi bwa MRND nibajye ku ruhande!
Ubwo se ukwivuguruza kurenze uko ni ukuhe!?

5.UMWANZURO

Birashimishije kuba abavandimwe Marc Matabaro na Padiri Thomas Nahimana mwarasangiye ibitekerezo byanyu natwe twese ku bwanjye ndabona ari intambwe igaragara bikaba bintera ikizere ko ibintu nibikomeza gutya n’abandi bakaduha ibitekerezo byabo nta kabuza ukuri kuzashirira mu biganiro bityo tukubaka u Rwanda rushingiye ku kuri nta mwiryane, amacakubili n’intambara z’urudaca.

Rwose twibukiranye ko nta kimoteri cy’abana b’u Rwanda gihari baba babi cyangwa beza bose bava inda imwe. Ni mucyo twimakaze urukundo n’ubumwe bwa bene Kanyarwanda.

Mugire Amahoro!

Michael Rwarinda
Johannesburg/South Africa

Urubanza rwa John Munyakayanza rurimo urujijo

Urubanza rwa John Munyakayanza rurimo urujijo Munyakanyaza_John_n_umwingazi_we_Me_Rusuruka_Adrien-d2b0f

Munyakayanza John n'umwunganizi we Me Rususuruka Adrien

Kuri uyu wa Gatatu tariki ya 25 Mata 2012, mu Mujyi wa Kigali, Akarere ka Gasabo, Umurenge wa Rusororo, Akagari ka Mbandazi ; Urukiko Rwisumbuye rw’Akarere ka Gasabo rwahaburanishirije urubanza rwa Munyakayanza John ukekwaho icyaha cy’ingengabiterezo ya Jenoside.

Muri uru rubanza rwari ruyobowe n’Umucamanza Mukaruziga Annonciata n’Umwanditsi we Ndahimana Anastase ; Umushinjacyaha Rangira Madeleine yasabiye Munyakayanza John gufungwa imyaka 25 ndetse no gutanga ihazabu y’amafaranga y’u Rwanda miliyoni eshanu.

Mu kumusabira iki gihano kingana gutya, Umushinjacyaha yavuze ko ku itariki ya 9 Mata 2012, ubwo abaturage bari mu biganiro byateguwe na Komisiyo y’Igihugu yo Kurwanya Jenoside mu rwego rwo kwibuka ku nshuro ya 18 Jenoside yakorewe Abatutsi mu Rwanda, Munyakayanza yahagurutse akavuga amagambo yiganjemo ingengabitekerezo ya Jenoside.

Umushinjacyaha Rangira Madeleine yagize ati : » Ndabisubiramo uko yabivuze ntacyo nkuyeho, nta n’icyo nongeyeho, yagize ati : ’Abatutsi bazize inda nini zabo, Jenoside kuyivuga ni urwiyerurutso’ ».

Umushinjacyaha yakomeje avuga ko Munyakayanza w’imyaka 42, ufite abana bane akaba asanzwe ari umubazi (acuruza inyama) mu gasanteri ka Mbandazi yatinyutse akavugira ibi bintu mu ruhame ndetse bakongera kumusubirishamo icyamuteye kubivuga akongera agasubiramo amagambo yari yavuze mbere agira ati :  » Ese koko nyine bazize iki ? ».

Mu kwiregura kwe, Munyakayanza wanyuzagamo akavuga atitira, yahakanye aratsemba avuga ko atigeze avuga ko Abatutsi bazize inda nini zabo, gusa yemera ko ibiganiro yabigiyemo ndetse avuga ko yahagurutse akaka ijambo ariko ngo ntiyigeze asohora mu kanwa ke ijambo ’Abatutsi’.

Yagize ati : »Nemera ko natse ijambo nkavuga nti ’Jenoside yatewe n’inda nini’, kuko abantu bajyaga gusahura bakarya imitungo y’abandi, bitewe n’inda nini zabo. Rwose ayo magambo narayavuze nayasabira imbabazi ».

Abamushinjura banyuranyije na we ho gato…

N’ubwo yavuze ibi ariko, abatangabuhamya bamushinjura n’abamushinja bagiye bagaruka ku magambo amwe n’amwe yavuzwe n’Umushinjacyaha Rangira Madeleine.

Babiri bamushinjuye barimo Ngamije Joseph w’imyaka 27 na “Local Defence” Murangira Jean Baptiste w’imyaka 37 bavuze ko uyu mugabo yahagurutse mu ruhame akiha ijambo nyamara Munyakayanza we yari yavuze ko yazamuye ukuboko akaka ijambo ndetse akarihabwa.

Aba bagabo babiri bashinjuraga Munyakayanza bombi bahurije ku ijambo ’Urwiyerurutso’ ryakunzwe kugarukwaho n’ubushinjacyaha.

Ngamije yagize ati : “Munyakayanza yaravuze ngo ’Ndabona nta muhanga wamenya icyateye Jenoside, gusa njyewe mbona Jenoside yaratewe n’inda nini, ubwoko bwo ni urwiyerurutso’”.

Nyuma yo kurahira ko nabeshya urukiko azabihanirwa, Local Defence Murangira Jean Baptiste we yashinjuye Munyakayanza ati : “Jenoside n’ubwo yabayeho ni urwiyerurutso, icyayiteye ni inda nini”.

Abamushinje bashimangiye ko yavuze ko Abatutsi bazize inda nini zabo…

Abatangabuhamya batandatu nibo bashaka gushinja Munyakayanza ko yavuze aya magambo bita ko yuzuye urwango, icyakora yiyamye babiri muri bo avuga ko bafitanye nawe ibibazo.

Bane batanze ubuhamya imbere y’umucamanza Mukaruziga Annonciata, imbere y’imbaga y’abaturage bo mu Kagali ka Mbandazi ndetse n’abayobozi bo mu Murenge wa Rusororo bavuze ko Munyakayanza yihaye ijambo akavuga ko Abatutsi bazize inda nini zabo.

Umusaza Semoya Venant w’imyaka 74 yagize ati : “Sinjya mbera ndi mukuru, uyu mugabo yarahagurutse aravuga ngo nta Jenoside yabaye, bazize inda nini zabo, niba ari iyacu niba ari iyabo simbizi, gusa yashakaga kuvuga Abatutsi, mbese nitwe yashinyaguriraga ; ndetse akibivuga abenshi bararize gusa njyewe sinarize murabona ndi mukuru”.

Amagambo uyu mutangabuhamya yavuze yashimagiwe na Madamu Cyatengerwa Belancille wagize ati : “John yarahagurutse aravuga ati ’Jenoside nta yabayeho ni urwiyerurutso, Abatutsi bishwe n’inda nini zabo’”. Ibi kandi byashimangiwe na none n’abagabo babiri bashinje uyu mugabo aribo Rutayisire Narcisse na Gatera Steven.

Akihagera_yarembuje_abana_be_bato_baza_kumusuhuza-654e5

Akihagera yarembuje abana be baza kumusuhuza

Mu kongera gushimangira ibyo abatangabuhamya bavuze, Umushinjacyaha Rangira Madeleine yagaragazaga ko hari amagambo yahuriweho n’abatangabuhamya b’impande zombi agaragaza ko ibyo uyu mugabo yavuze byuzuye ingengabitekerezo ya Jenoside ndetse akwiye kubiryozwa.

Ijambo “urwiyerurutso” ryagarutsweho n’abatangabuhamya bose uko ari batandatu.

“Nta Jenoside yabaye” byagarutsweho n’abatangabuhamya batanu.

“Bazize inda nini zabo” byagarutsweho inshuro enye.

Kuri ibi byose niho Umushinjacyaha Rangira Madeleine yahereye avuga ati : “Izi mvugo zose ziganjemo gupfobya Jenoside kandi bihanwa n’ingingo ya 3, iya 4 n’iya 8 zo mu itegeko nomero 18/2008 rihana icyaha cy’ingengabitekerezo ya Jenoside, bityo turasaba urukiko ko afungwa imyaka 25 agatanga n’ihazabu ya miliyoni eshanu, ndetse abashaka kuregera indishyi bakabikurikirana”.

Iki gihano ariko Munyakayanza waburanye yunganirwa na Me Rususuruka Adrien yavuze ko gikomeye ndetse ari kirekire, agira ati : “Ibihano Umushinjacyaha anyifurije si byiza, ni birebire, rwose ayo magambo ntayo navuze ni amahimbano”.

Umunyamategeko Rususuruka Adrien wunganira uyu mugabo yasabye urukiko kuzakoresha ubushishozi bakarenganura umukiriya we ndetse bakazahita bamurekura nibasanga icyaha kitamuhama.

Biteganyijwe ko uru rubanza ruzasomwa kuwa Mbere w’icyumweru gitaha tariki ya 30 Mata 2012 ku isaha ya saa cyenda z’amanywa i Mbandazi mu Murenge wa Rusororo aho rwaburanishirijwe uyu munsi ari n’aho icyaha akekwaho cyakorewe.

Source: Igihe.com

FPR MU MUKINO WA SINABYAYE: INGABIRE YASABIWE GUFUNGWA UBUZIMA BWE BWOSE!

FPR MU MUKINO WA SINABYAYE: INGABIRE YASABIWE GUFUNGWA UBUZIMA BWE BWOSE! Victoire-Ingabire1Mu rubanza Kagame aburana na Ingabire ariko rukaza gusigaramo Ingabire wenyine byaragaragaye ko Kagame na FPR bakinnye umukino wa sinabyaye. Aha nkaba ntashaka kuvuga ko bagombaga kugirira Ingabire impuhwe ahubwo ni ukuvuga ko bakinnye umukino batazi tekiniki bituma bakora amakosa menshi ndetse basa n’abapfundikiye urubanza bakiyakora.

Uyu munsi taliki 25 Mata 2012 nibwo ubuhimbabyaha bwasabiye Ingabire ibihano aho muri rusange bwamusabiye gufungwa ubuzima bwe bwose. Icyo umuntu yakwibaza ni ukumenya niba FPR na Kagame bazahora ku butegetsi ubuziraherezo. Bashobora kuba bibaza ko abo bavanye ku butegetsi batari bafite abo bakatiye bene ibyo bihano ariko bitarangijwe.

Ku byerekeranye n’ikinamico y’uyu munsi ubushinjabyaha bwasabye ubucamanza kwemera ko Ingabire yakoze ibyaha by’iterabwoba bunamusabira n’ibihano ku buryo bukurikira:
Ingengabitekerezo ya jenoside: igihano cy’igifungo cy’imyaka 25 n’ihazabu y’amafaranga y’u Rwanda angana na miliyoni imwe.
Ubufatanyacyaha mu iterabwoba: igihano cy’igifungo cy’imyaka 35
Icyaha cy’ivangura n’amacakubiri: igihano cy’igifungo cy’imyaka 2 n’ihazabu y’amafaranga y’u Rwanda ibihumbi magana atatu.
Kurema umutwe w’ingabo: igihano cy’igifungo cy’imyaka 10 n’ihazabu y’amafaranga y’u Rwanda ibihumbi ijana.
Ibihuha bigamije kwangisha abaturage ubutegetsi: igihano cy’igifungo cy’imyaka 10.
Gushaka kugirira nabi ubutegetsi hakoreshejwe iterabwoba: igihano cy’igifungo cya burundu

Muri rusange ubushinjabyaha bukaba bumusabira igihano cy’igifungo cya burundu n’ihazabu y’amafaranga y’u Rwanda miliyoni enye n’ibihumbi magana ane.

Ibyemezo by’urukiko bikazasomwa kuwa gatanu taliki 25 Kamena 2012.

Ikindi cyagaragaye mu rubanza rw’uyu munsi ni ibaruwa ubushinjabyaha bwahaye urukiko buvuga ko ari iyo Ingabire yandikiye Kagame amusaba imbabazi. Kubera ko iyi baruwa ari ubwa mbere igaragajwe nzagira icyo nayivugaho maze kumenya ibiyikubiyemo kuko hari n’ubwo byashoboka ko leta ya Kagame yabivuga ko yasabye imbabazi kandi wenda ibiyikubiyemo bidasaba imbabazi nk’uko twabonye ku mbuga iyo Ingabire yandikiye umushinjabyaha asobanura ibimureba n’ishyaka rye. Icyo umuntu yanakwibaza kandi ni impamvu iyi baruwa yashyirwa ahagaragara nyuma gato y’uko atangaje ko yagiranye imishyikirano ya rwihishwa n’ubutegetsi bwa Kagame yari iberewe ku isonga n’umushinjabyaha mukuru Martini Ngoga. Dutegereze iyo baruwa n’ibiyikubiyemo.

Juvénal Majyambere

Kigali

12345...9

archivesallahalwatanalmalik |
pk2012legislatives |
rectificador |
Unblog.fr | Créer un blog | Annuaire | Signaler un abus | thevoiceofpresidentielles
| legislative2012
| cournonpartisocialiste