Archive pour 12 avril, 2012

Muhanga : Umusaza witwa HABYARABATUMA Siriveri yatawe muri yombi azira kubaza impamvu Imfubyi zose z’abanyarwanda zititabwaho kimwe.

Kuwa 11 Mata 2012 mu mudugudu wa Buhoro,akagari ka Gisharu,umurenge wa Kibangu akarere ka Muhanga umwe mubari bitabiriye ibiganiro byo kuwa10/04/2012 bibera hirya no hino mu midugudu mu rwego rwo kwibuka amarorerwa yabereye mu Rwanda yatawe muri yombi.

Nyuma yuko uwari uteganyijwe gutanga ikiganiro amariye gusobanurira abari bitabiriye ibiganiro uburyo leta ya FPR itandukanye n’izindi leta zayibanjirije kubijyanye n’imiyoborere myiza harimo kuba yaravanye ubwoko mu ndangamuntu, mu Rwanda ubu hakaba nta moko ahaba,abana bose bakaba biga kandi bagahabwa amahirwe angana,ipfubyi za genocide yakorewe abatutsi zikaba zifashwa kwiga…

Umwanya wo gutanga ibibazo ugeze umuzasa witwa HABYARABATUMA Siriveri yateye agatoki ashaka kubaza ahabwa ijambo arabaza ati « Ni byiza ko abantu bakitwa abanyarwanda kuruta uko bakitwa amoko koko,arikose ko muvuga ko nta moko aba mu Rwanda mwarangiza muti Genocide yakorewe abatutsi ubwo abakiri bato nibajya babaza mu minsi irimbere bati Umututsi bisobanura iki bazajya basobanurirwa iki ? None se ko mwatubwiye ko leta iriho itavangura abanyarwanda ndetse ikaba inafata abana kimwe kubera iki abana bacitse ku icumu rya genocide yakorewe abatutsi barihirwa amashuri noneho izindi mfubyi z’abahutu zagizwe imfubyi n’ibibazo byo mu 1994 ndetse n’ibyakurikiyeho bo bakaba batishyurirwa ngo nabo bafashwe kwiga kandi nabo bigaragara ko hari abafite ibibazo bitaboroheye ubwo ntabwo byo ari ivangura ? Uwari ayaboye ibiganiro yashubije uwo musaza ko ipfubyi za genoside yakorewe abatutsi zifashwa kubera ko zo zifite ibibazo byumwihariko by’ubukene.

Ibiganiro byararangiye abaturage barataha na wa musaza arataha ariko ejo kuwa 11/04/2012 nibwo ubuyobozi bw’umurenge wa Kibangu bwahaye amabwiriza community policing ngo zifate uwo musaza zimuzane bamufunge ngo afite ingengabitekerezo ya genocide. Nuko uwo musaza community policing ziramujyana ubu arimo kunyigirira mu buroko ngo kuko yabajije ikibazo mu biganiro.

Tumaze kumenya aya makuru twashatse kumenya icyo ubuyobozi bw’akagari ka Buhoro buvuga kuri iryo tabwa muri yombi ryuwo musaza,tuvugana n’umuyobozi wako kagari Bwana DUSHIME Sixbert kuri telephone ye igendanwa (0788803492) atubwira ko ibyo bintu byabaye adahari ko nawe yabyumvise ariko yibwira ko ikibazo cyuwo musaza gikemuka vuba kuko akurikije uko yabyumvise uriya musaza yabajije agamije gusobanurirwa. Yongeye ati « Buriya namara kuvugana na Executif w’umurenge aramurekura ».

Bamwe mu baturage twavuganye bari bari muri icyo kiganiro batubwiye ko batunguwe no kuba bumvise ko mugenzi wabo yafashwe akajya gufungwa azira ko yabajije ikibazo kandi byaragaragaraga ko yabajije ashaka gusobanukirwa,bongeye bati « buriya nyine ntabwo tuzongera kugira icyo tubaza kuko tubona ko birimo n’ingaruka zo gufugwa,bati buriya nyine tuzajya tuza dutege amatwi gusa niturangiza dutahe nibyo bitanga amahoro. »

Source:Boniface Twagirimana

ITANGAZO RY’IHURIRO NYARWANDA RIHARANIRA GUSUBIZAHO UBWAMI BUGENDERA KU ITEGEKONSHINGA MU RWANDA (RPRK-Rwandese Protocol to Return the Kingdom)

ITANGAZO RY'IHURIRO NYARWANDA RIHARANIRA GUSUBIZAHO UBWAMI BUGENDERA KU ITEGEKONSHINGA MU RWANDA (RPRK-Rwandese Protocol to Return the Kingdom) 5cf9cad94714c5577919c266171d935c_XL

Ref: RK/01/04/012

Banyarwandakazi banyarwanda, baba abari imbere mu gihugu cyangwa abari hanze y’igihugu ku mpamvu zitandukanye;

Ihuriro riharanira gusubizaho ubwami bugendera ku itegekonshinga RPRK-Rwandese Protocol to Return the Kingdom ryifatanyije n’ababuze ababo muri genocide y’abatutsi yo muri 1994 muri iyi minsi y’icunamo.

Ihuriro riharanira gusubizaho ubwami bugendera ku itegekonshinga RPRK riboneyeho gusaba leta ya Perezida Paul Kagame ibi bikurikira:

1. Kwemerera abarokotse genocide y’abatutsi yo muli 1994 ko nawe yayigizemo uruhare rufatika yirengagiza amasezerano ya Arusha yari ageze ku musozo, igihe yateguraga akanashyira mu bikorwa umugambi wo kurasa indege y’uwahoze ari perezida w’u Rwanda Juvenal Habyarimana hagamijwe gufata ubutegetsi.

2. Akemera kandi akicuza imbere y’Imana n’abanyarwanda ko amaraso y’Abatutsi ariyo yagize ikiraro yambukiyeho asingira ubutegetsi.

3. Kwemera no kwicuza imbere y’Imana n’abanyarwanda uruhare rwe rufatika yagize mu kwica abahutu b’inzirakarengane abaziza ko ari abahutu hagati y’umwaka wa 1990-1994 akanareka ubutabera bugakora imirimo yabwo.

4. Kwemera akanicuza imbere y’Imana n’abanyarwanda kubera uruhare yagize rugaragararira buriwese igihe yagabaga ibitero ku mpunzi z’abahutu zatikiriye mu makambi y’impunzi no mu mashyamba ya Congo bazira ko ari abahutu. Bikanashimangirwa n’icyegeranyo cya Lonu (UN MAPPING REPORT) kigaragaza ko ubwicanyi bwakorewe abahutu bari barahungiye muri Congo bushobora kwitwa GENOCIDE byemejwe n’urucyiko rubifitiye ububasha.

5. Kwemera ko igikorwa cyo kwibuka cyakwumvikanwaho n’amoko yose y’u Rwanda kugirango inzirakarengane zo mu moko yose zishwe zizira uko zavutse zibashe kujya zunamirwa.

Ihuriro riharanira gusubizaho ubwami bugendera ku itegekonshinga RPRK-Rwandese Protocol to Return the Kingdom rirasaba rinashishikariza abatutsi barokotse genocide y’abatutsi yo muri 1994 kurwanya bivuye inyuma agashinyaguro Perezida Paul Kagame abakorera buri mwaka ababeshya ko yifatanyije nabo kandi azineza ko yabwiwe kenshi n’ibyegera bye ko narasa indege y’uwahoze ari umukuru w’igihugu Javenal Habyarima hazaba itsembabwoko, akanga akayirasa.

Ihuriro RPRK rirasaba abanyarwanda b’ingeri zose (abahutu,abatutsi,abatwa) bashyira mu gaciro kandi bakeneye ko ukuri ku makuba yabagwiririye gushyirwa ahagaragara, ko bagomba kwamagana umugambi mubisha wa perezida Paul Kagame wo gucamo ibice abana b’u Rwanda akoresheje ikinyoma cyo guhuma amaso abatutsi basagutse kubo yicishije muri genocide ya 1994 ababeshya abigambiriye ko yifatanyije nabo mu kunamira ababo bishwe kandi azineza ko ariwe wabagize ikiraro cyo kugera ku butegetsi.

Ihuririro RPRK rirashishikariza inyabutatu nyarwanda (abatutsi, abahutu, abatwa) guhagurukira rimwe bagashyigikira kandi bakanitabira imyigaragambyo yo kwamagana agashinyaguro perezida Paul Kagame akomeje gukorera abana b’u Rwanda (abahutu, abatutsi,abatwa) izabera i Paris mu Bufaransa taliki 06/04/2012.

Twese hamwe tuzatsinda.

Harakabaho Umwami w’u Rwanda,
Harakabaho Abanyarwanda,

Eugene NKUBITO
Chairman RPRK

archivesallahalwatanalmalik |
pk2012legislatives |
rectificador |
Unblog.fr | Créer un blog | Annuaire | Signaler un abus | thevoiceofpresidentielles
| legislative2012
| cournonpartisocialiste