NI IKI KIHISHE INYUMA Y’IYOHEREZWA RYA LEON MUGESERA MU RWANDA?

NI IKI KIHISHE INYUMA Y’IYOHEREZWA RYA LEON MUGESERA MU RWANDA? 20120105-150613-g

Léon Mugesera n'uwo bashakanye Gemma Mujawamariya

Mu minsi ishize abantu benshi bumvise ikibazo kijyanye na Léon Mugesera. Uwo mugabo yoherejwe mu Rwanda n’igihugu cya Canada nyuma yo kwirukanwa muri icyo gihugu. Léon Mugesera yari yarageze mu gihugu cya Canada muri 1993, aciye mu gihugu cya Espagne. Guhera muri 1996 yatangiye kuburana ku kibazo kijyanye no kuguma mu gihugu cya Canada dore ko yari afite Ubwenegihugu bw’icyo gihugu ariko akabwamburwa kubera gukekwaho icyaha yo gukangurira abahutu kwica abatutsi mu ijambo yavugiye muri Mitingi y’ishyaka MRNDD yabereye ku Kabaya mu Ugushyingo 1992.

Nyuma yo kwirara agakeka ko atazoherezwa mu Rwanda, urukiko rw’ikirenga rwa Canada rwamuhakaniye burundu muri 2005. Akomeza kujurira ariko biranga kugeza ku munota wa nyuma yiyambaje Akanama k’umuryango w’abibumbye karwanya iyica rubozo (Comité des Nations unies contre la torture) yavugaga ko nasubizwa mu Rwanda azakorerwa iyicwa rubozo. Urukiko rwo muri Canada rwafashe umwanya wo kwiga ku buremere bw’ibyemezo by’ako kanama ariko busanga ibyo bitabuza iyoherezwa rya Léon Mugesera mu Rwanda.

Hagati aho ariko Léon Mugesera yajyanywe mu bitaro, hari amakuru avuga ko ngo yashatse kwiyahura akoresheje imiti ariko ayo makuru nta gihamya afite. Byabaye iby’ubusa kuko Léon Mugesera yashyize akagezwa i Kigali n’abategetsi ba Canada mu ndege yari yakodeshejwe kubera iyo mpamvu.

Ariko abantu benshi bibajije impamvu Léon Mugesera atigeze aburanishwa n’igihugu cya Canada nk’uko cyabikoreye abandi banyarwanda bafatiweyo bakekwaho ibyaha bijyanye na Génocide. Ibi byatumye ducukumbura twibaza impamvu nyamukuru yatumye ikibazo cya Léon Mugesera cyari kimaze imyaka n’imyaka cyarongeye kubyutswa ubu.

Amakuru twahawe n’abantu babikurikiraniye hafi mu gihugu cya Canada avuga ko: Leta y’u Rwanda yashyizemo ingufu nyinshi za politiki cyane ifatanije na Lt Gen Roméo Dallaire, wahoze ayoboye ingabo za MINUAR mu Rwanda kugira ngo Léon Mugesera ashobore koherezwa mu Rwanda.

Mu gihe Léon Mugesera yoherezwaga mu Rwanda, Lt Gen Roméo Dallaire yavuze ko igihe yari mu Rwanda ayoboye MINUAR, ngo nta na rimwe yigeze yumva hari uvuga izina rya Léon Mugesera. Ibi ariko ni ukubeshya, kuko mu mubonano Lt Gen Roméo Dallaire yagiranye n’uwari Ministre w’Intebe icyo gihe, Nyakwigendera Madame Uwiringiyimana Agatha, ahagana mu mpera za 1993, Madame Uwiringiyimana Agatha yaba yarasabye Lt Gen Roméo Dallaire kumufasha kugarura Léon Mugesera akaza kuburanira mu Rwanda. Kuko mu ririya jambo Léon Mugesera yavugiye ku Kabaya yibasiye cyane uriya Mudamu. Uwo mujenerali w’umunyacanada ariko yamubwiye ko ibyiza yabisaba Leta ya Canada, kuko we ngo yari mu Rwanda ahagarariye Umuryango w’Abibumbye. (Ntabwo twamenya niba koko Dallaire yarabeshye cyangwa yarabyibagiwe kubera ibibazo bijyanye n’ihungabana yagize kubera amaraso y’abanyarwanda yicishije!)

Amakuru dufite yemeza ko,  Leta y’u Rwanda nyuma yo kubona ko uwafatwaga ko yateguye Génocide akanayishyira mu bikorwa Colonel BEMS Théoneste Bagosora, urukiko Mpuzamahanga rwashyiriweho u Rwanda rwa Arusha rwasanze icyaha cyo gutegura Génocide kitamuhama,  Leta y’u Rwanda yashatse uburyo yabona undi muntu wari ukomeye mu butegetsi bwa Perezida Habyalimana, ushobora kwemera icyaha cyo gutegura Génocide. Dore ko uwari Ministre w’Intebe Jean Kambanda yemeye icyaha cyo gutegura Génocide nyuma akisubiraho kuko ibyo bari bamwemereye urukiko rutabyubahirije (Bari bamwemereye ko bamugabanyiriza igihano, bakanafasha umuryango we) uretse ko na none Jean Kambanda ntabwo yari mu butegetsi bwa Perezida Habyalimana mbere y’itariki ya 6 Mata 1994, nta n’ubwo yari muri Gouvernement. Ibyo byatumye icyo cyaha cyo gutegura Génocide yemeye, ntabwo cyabaye ikimenyetso simusiga ku buryo budasubirwaho, bivuze ngo ibyo yemeye bijyanye n’ibyateguwe nyuma y’urupfu rwa Habyalimana bitajyanye n’ibyateguwe mbere y’urwo rupfu.

rv_shake_12-300x217

Gen Gatsinzi, Lt Gen Dallaire na Maj Gen Mugambage mu "mishyikirano"

Léon Mugesera rero Leta y’u Rwanda irashaka kumufata neza ikamwemerera kumugabanyiriza ibihano kugira ngo yemere ko igihe yavugaga ariya magambo byari nko gukopeza abaturage ibyari birimo gutegurwa, ibyo bivugwa ko azabifashwamo na mwene nyina Mfizi Christophe dore ko yitezwe mu Rwanda muri iyi minsi ya vuba niba atararangije kuhagera. Leta irashaka ikimeneyetso simusiga yerekana kuko mu rukiko rwa Arusha nta muntu n’umwe urahamwa n’icyaha cyo gutegura Génocide, ibyo bituma hakomeza kuba ishakishwa ry’ibimenyetso rirushaho rigenda rigwa ku bintu bimwe na bimwe Leta y’u Rwanda idashaka ko bimenyekana.

Iki kibazo cya Léon Mugesera, Lt Gen Roméo Dallaire yakinjiyemo afatanije na Leta y’u Rwanda akoresha ingufu afite mu buyobozi bwa Canada kugira ngo Mugesera ataburanishirizwa muri Canada ahubwo azaburanishirizwe mu Rwanda aho bashobora kumushyiraho igitutu. Hazaba hari abo kumugira inama z’uko azabyifatamo nka ba Boniface Rucagu nawe wari muri iyo mitingi ya MRNDD yo ku Kabaya, bivugwa ko amagambo ya Léon Mugesera yamushimishije cyane ku buryo yakomye amashyi cyane birenze urugero!

Tubibutse ko Lt Gen Roméo Dallaire ariwe wakwije hose mu mahanga ko Col BEMS Bagosora ariwe mucurabwenge wa Génocide, kuba atarahamwe icyaha cyo kuyitegura byabaye ikibazo kuri we ku buryo hakenewe Mugesera ngo yemeze ko  Génocide yateguwe kuva kera ndetse anashinje Col BEMS Bagosora n’abandi. Ibi bizatuma ikibazo cy’indege ya Perezida Habyalimana kigabanya ubukana, kuko bizaba bigaragaye ko indege iyo iraswa cyangwa itaraswa Génocide yari kubaho. Ubwo uwahanuye indege ntabwo bazakomeza kumufata nk’aho ariwe watumye Génocide iba ndetse n’iyo ya FPR.

Bimaze kugaragara ko ibyo Léon Mugesera yavugaga ko azakorerwa iyica rubozo bitazabaho, kuko Leta y’u Rwanda iramukeneye ngo abe ikitegererezo amahanga azareberaho yohereza abandi u Rwanda rwaba rusabye ngo baburanire mu Rwanda, kandi bigaragara ko amahanga cyane Canada azakurikiranira hafi ubuzima bwa Léon Mugesera ndetse n’urubanza rwe.

 Matabaro Mariko

 

 


Répondre

archivesallahalwatanalmalik |
pk2012legislatives |
rectificador |
Unblog.fr | Créer un blog | Annuaire | Signaler un abus | thevoiceofpresidentielles
| legislative2012
| cournonpartisocialiste