Aho indege yaba yararasiwe ntibigira Kagame na FPR abere

Aho indege yaba yararasiwe ntibigira Kagame na FPR abere 2010-09-10-21-13-16-u-UWAHANUYE-FALCON-50-YA-HABYARIMANA-MURI-94-NI-NDE1-300x298

Mu gihe tutarabona inyandikomvugo n’itangazo ry’Abacamanza babishinzwe, twamenye ko mu ncamake ikipe ya Trevedic yemeza ko ibisasu byahanuye indege ya Habyarimana byashoboraga guturuka ahantu 6 harimo i Masaka (mu Nkotanyi ) no mu kigo cya gisirikari cya KANOMBE(Ingabo za Habyarimana) .

 

Gusa iyi myanzuro ntacyo yongeye ku byo abantu bose bari basanzwe bazi neza. N’ubwo Leta ya Kigali yihutiye kwikura mu isoni yemeza ko iyi raporo ikuyeho impuha n’ibinyoma byari bimaze imyaka isaga 17, nabo bazi neza ahubwo ko ibintu byabakomeranye! Muri make karabaye ahubwo ! Ibihuha Leta ya Kagame iri gukwiza ngo bahanaguweho icyaha igamije gukomeza kurindagiza Abanyarwanda bari mu gihugu kugira ngo badahita bamenya ko Intare Kagame ijuru ryayiguye hejuru , yenda bagahita bahaguruka bakamwivumburaho! Ariko ay’ubusa, bitinde bishyire kera, rubanda izahaguruka yange gukomeza kuyoborwa n’Umuteroriste ukurikiranywe n’Inkiko mpuzamahanga !

 

1. Kuvuga ngo ibisasu bishobora kuba byaraturutse no mu kigo i Kanombe ni ugutebya kugamije gutinza urubanza no korohereza Kagame umusaraba nk’iminsi ibiri !

 

Nk’uko yenda bamwe bahereye ku itinzwa ridasobanutse ry’iyi myanzuro y’abahanga, bakomeje kubikemanga ngo Kagame yaba yaratanze akayabo k’amamiliyoni y’amayero kugira ngo iriya anketi inyongwe cyangwa se imuvuge neza arebe ko yamara kabiri! Ngo na rwa ruzinduko yagiriye mu Bufaransa mu kwezi kwa Nzeri 2011 nicyo rwari rugendereye, muribuka mwese ko byavuzwe cyane! Ibi rwose muri politiki birashoboka cyane, abategetsi bari mu gihe cyo kwiyamamaza bashobora gukenera ako ka ruswa gatubutse gaturutse ku banyagitugu b’Abanyafurika, si ubwa mbere byaba bibaye! Kandi tuzi neza ukuntu Kagame atajya azuyaza gutanga akayabo k’amamiliyoni iyo abonye yugarijwe! Umuntu wagerageje no guha ruswa abantu bo kwa Obama, yaba yaratinye kuyaha ikipe y’uriya mujuji?

 

Gusa impungenge zikwiye kuvaho bitabujije ko abazi iby’amategeko batagomba kurambika ibirwanisho hasi, ahubwo bakaba bagomba guhaguruka bagakurikiranira hafi iyi dosiye ifitiye akamaro Abanyarwanda bose!

 

Uko byamera kose, urubanza (jugement) ntiruraba, reka dukomeze tube maso, duhatane kugira ngo ukuri kose kuzajye ahagaragara! Ikigaragara ni uko imyanzuro y’abahanga bo mu Ikipe y’umujuji Trevedic itashoboye kunyonga ukuri, muri make ntivuguruza ukuri gusanzwe kuzwi na bose ko ari Kagame wahanuye indege! Urubanza ruzabyemeza, nta gushidikanya

 

2. Haramutse hari n’ibisasu byaturutse i Kanombe.

 

N’iyo byaba ariko byagenze ntibivuze ko atari Kagame waba waratanze itegeko ryo kurasa iriya ndege. Kubyumva kandi ntibigoye! Twese tuzi ukuntu FPR Inkotanyi yari yaracengeye igisirikari cya Habyarimana kugeza mu rwego rwa Etat Major! Bamwe mu bayobozi bakuru b’ingabo bari barinjiye mu Nkotanyi kera cyane, ari zo bakorera, ari nayo yaje kuba impamvu simusiga yatumye ingabo z’u Rwanda zitsindwa kubera kugambanirwa n’abari bafite inshingano yo kuziyobora: ibyo byose twarabimenye nta banga rikibirimo. Ugira ngo ndakabya yibuke umurimo Marcel GATSINZI yari ashinzwe mu ngabo zatsinzwe . Chef d’Etat major ukorera umwanzi , hari ahandi mwumvise byabaye uretse mu Rwanda ? Nyamara yari yarinjiye mu Nkotanyi kera cyane!

 

Na none ariko iki gitekerezo kugeza ubu nta gaciro gifite kuko bizwi neza ko indege yarasiwe i Masaka, ababibonye bakomeje kubihamya ndetse benshi barabizize, bicwa na Kagame. Ubizi ukundi nawe azashake ibimenyetso simusiga abyemeze inkiko !

 

3. Igituma dukomeza kwemeza ko ari Kagame wahanuye indege

 

(1)Inkotanyi zikimara gufata ubutegetsi zakomeje kubyigamba.

 

 

(2)Kagame ubwe yarabyiyemereye kenshi mu mbwirwaruhame ko yarashe iriya ndege , ndetse akongeraho mu gasuzuguro gatangaje ngo « iyo ndege ntacyarimo » ! Amagambo ye yose yarafashwe ashyinguye neza !

 

(3) Bamwe mu bafasha ba hafi ba Paul Kagame barabyivugiye ndetse babitangamo n’ubuhamya ku mugaragaro n’imbere y’inkiko ! Mwibuke ubuhamya buheruka bwa RUDASINGWA Theogène. Ninde wamenya amabanga ya Paul Kagame kurusha umunyamabanga we!?

 

(4) Umujuji Jean Louis Bruguière yari yasuzumye n’inkomoko y’ibisasu byakoreshejwe asanga byaraguzwe na Leta y’Ubugande, MUSEVENI akaba yivugira ko Abasilikari ba FPR Inkotanyi babimwibye ! Dukeneye kumenya icyo ikipi ya Trevedic ibivugaho!

(5) Kagame ni we wari ufite inyungu mu kwica Habyarimana kugira ngo igihugu gicure imiborogo , ingabo z’igihugu zibure uko zibyifatamo, zicikemo íbice, maze abone uko yifatira ubutegetsi. Ni ko byagenze. Agomba kubyirengera , igihe kirageze!

 

4. ICYAHA NTIGIKURA IKINDI

 

(1)Twirinde kwitiranya ibibazo bikomeye:

 

Ikibazo si aho ibisasu byaturutse, ikibazo ni uwabirashe ! Kandi rero bibaye nk’igitangaza koko bikagaragara ko kurasa iriya ndege byaba byarakozwe n’undi ntibikuraho ibyaha bikomeye by’itsembambaga Kagame Paul  yakoreye Abanyarwanda kandi n’ubu akaba akibikora!! Abasenyeri ba Kiliziya gatolika barasiwe i Gakurazo bishwe na Bagosora? Abahutu bakindaguriwe i Kibeho bo se bishwe nande wundi utari Kagame n’ibisumizi bye biyobowe na Fred IBINGIRA ? Jenoside yakorewe Abahutu muri Kongo(Raporo Mapping: 1996-2003) yo se ntiri ku gatwe ka Kagame? Gufunga urubuga rwa politiki n’abanyapolitiki batavuga rumwe na Kagame, kwica abanyamakuru n’abanyapolitiki, byo se si icyaha gihanwa n’amategeko? Gusahura umutungo w’igihugu,…arafitwe !

 

(2) Kagame yarangije kuzuza amakosa nko muri Basiketi . Biramutse bibaye impamo ko atari we warashe indege , cyaba ari icyaha kimwe kimuvuyeho ariko hari ibindi byinshi cyane nabyo bikomeye agomba gukurikiranwaho. Uretseko nyagucwa n’iyi ndege rwose ni we wayirashe !

 

(3) Abahutu bagize urahare muri jenoside barafashwe barabihanirwa. Inkiko Gacaca zaragakoze, TPIR nayo ntako itagize….N’abatarafatwa bazafatwe bwangu baryoze ibyaha bakoze. Gusa rero Kagame n’abamufashije gutsemba Abanyarwanda nabo nibafatwe, bagezwe imbere y’ubutabera, Abanyarwanda biruhutse

 

UMWANZURO

 

(1)Ibyo Ikipe y’abahanga b’umujuji Trevedic itashoboye kumenya,Abanyarwanda ubwabo barabizi neza , cyane cyane ab’Inkotanyi zagize uruhare muri kiriya gikorwa cy’iterabwoba cyabaye intangiriro ya Jenoside n’akaga gakomeye ku banyarwanda bose! Ababibonye nibo babihamya. Trevedic niba atarabimenya tuzabimumenyesha abisobanukirwe.

 

(2)Kuko uwarashe iriya ndege nta wundi utari Paul Kagame, isi n’ijuru bikwiye kumukuraho amaboko akajyanwa mu rukiko, agacirwa urubanza, yenda akazagirwa umwere n’urukiko, ariko kugeza ubu tuzi ko ari we Nyirabayazana w’akaga kose kagwiririye uru Rwanda.Abanyarwanda ubwabo nibo bamuzi uko ari, ni bo yahemukiye,  ni nabo bagomba kuzamucira urubanza hakurikijwe amategeko.

 

(3)Abahamya bakiriho bazi neza uko indege yahanuwe, nka Kayumba Nyamwasa na Theogene RUDASINGWA nimujye ahagaragara muvugishe ukuri, mutange ingingo , ukuri gutsinde ikinyoma burundu, Kagame abure iyo apfunda imitwe, isi yose imwote, imusabire igihano akwiye!

 

Twizere ko uyu mwaka wa 2012 uzasiga ukuye Kagame mu maso y’Abanyarwanda, hagatangira gahunda nyayo yo gukiranura Abanyarwanda no kubunga byuzuye!

 

Zelote Mahoro

www.leprophete.fr

 


Répondre

archivesallahalwatanalmalik |
pk2012legislatives |
rectificador |
Unblog.fr | Créer un blog | Annuaire | Signaler un abus | thevoiceofpresidentielles
| legislative2012
| cournonpartisocialiste